Amazon zbulon listën me 20 qytetet ku mund të ndërtojë selinë e re – Premton 50 mijë vende pune
Amazon ka ngushtuar kërkimin e saj për vendin e selisë së saj të ardhshme të quajtur HQ2 në 20 qytete. Kandidatët e përzgjedhur nga 238 do të kalojnë në raundin tjetër të procesit të përzgjedhjes së Amazon, e cila do të marrë një vendim përfundimtar për vendin e selisë së saj të re këtë vit. Lista e kandidatëve përfshin Atlant, Austin, Boston, Çikago, Dallas, Denver, Washington, Columbus, Ohajo.
Amazon tha se do të punonte me çdo qytet për tu ‘zhytur’ thellë në propozimet e tyre, për të kërkuar informacione shtesë dhe për të vlerësuar mundësinë e një partneriteti të ardhshëm që mund të strehojë planet e punësimit të kompanisë si dhe të përfitojë punonjësit e saj dhe komunitetin lokal.
Kompania ka premtuar një investim prej 5 miliardë dollarësh dhe deri në 50 mijë vende pune me pagesë në qytetin ku do të ndërtojë selinë.
“Nëpërmjet këtij procesi mësuam për shumë komunitete të reja në të gjithë Amerikën e Veriut që ne do t’i konsiderojmë si vendndodhje për investime në të ardhmen në infrastrukturë dhe krijimin e vendeve të punës”, tha Holly Sullivan, kreu i politikës publike për Amzon.
Më poshtë janë edhe 20 qytetet kandidate të përzgjedhura:
- Atlanta
- Austin
- Boston
- Çikago
- Kolumbus
- Dallas
- Denver
- Indianapolis
- Los Angelos
- Miami
- Montgomery
- Nashville
- Newark
- Nju Jork
- Virxhinia Veriore
- Filadelfia
- Pitsburg
- Raleigh
- Toronto
- Washington
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.