Ambasada Amerikane dhuron një sasi laptop-ësh për Administratën Doganore të cilët do të përdoren në njësinë e Antitrafikut
Përfaqësues të Programit EXBS për Kontrollin e Eksporteve dhe Sigurinë Kufitare, pranë Ambasadës Amerikane në Tiranës, në kuadër të bashkëpunimit me Doganat Shqiptare, kanë dhuruar një sasi të konsiderueshme laptop-ësh për njësinë e Antitrafikut.
Sasia e laptop-ëve iu dorëzua drejtorit të Përgjithshëm të Doganave, Genti Gazheli, nga Vilma Guri, përfaqësuese e EXBS Regional Program, pranë Ambasadës së USA, në Tiranë.
Gazheli vlerësoi rëndësinë e strukturave doganore, sidomos në luftën ndaj fenomeneve të kundraligjshme, si dhe kërkoi nga strukturat profesionalizëm dhe efektivitet të shtuar kundër çdo shkelje ligjore apo trafiku të paligjshëm.
Përfaqësuese e EXBS Regional Program, zonja Guri shprehu angazhimin për mbështetje edhe në vazhdim për Doganat Shqiptare.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.