Ambasada apel shqiptarëve: Nëse doni të punoni në Gjermani duhet të ndiqni këtë procedurë

Ambasada gjermane në Tiranë ka publikuar në faqen e saj zyrtare njoftimin mbi procedurën që duhet të ndjekin të gjithë qytetarët shqiptarë që janë të interesuar të punojnë në Gjermani.

Sipas njoftimit Ambasada u bën apel shtetasve shqiptarë që të mos ndërmarrin udhëtimin jashtë vendit pa aplikuar më parë në zyrat ë ambasadës në Tiranë.

Kjo pasi të gjithë të interesuarit për punë jashtë vazhdojnë të kenë nevojë të pajisen me vizë pune, nëse duan të nisin një marrëdhënie punësimi në Gjermani.

“Për këtë vizë duhet të aplikohet pranë Ambasadës Gjermane në Tiranë përpara se të ndërmerret udhëtimi drejt Gjermanisë”, shkruhet në njoftim.

Për çdo informacion të mëtejshëm Ambasada ka vendosur në dispozicion linkun: https://tirana.diplo.de/al-sq/service/visa-einreise

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.