Ambasada gjermane në Tiranë mbyll zyrën e vizave dhe pasaportave! Çfarë do të ndodhë me procedurat
Prej ditës së sotme, e hënë 20 korrik 2020, nisur nga gjendja aktuale Zyra e Vizave dhe e Pashaportave të Ambasadës Gjermane në Tiranë njofton se është e mbyllur për arsye parandaluese.
“Personat e prekur nga mbyllja e zyrës do të marrin në momentin më të parë të mundshëm një datë/orë të re aplikimi. Ne do të informojmë përmes faqes së internetit apo Faceboouk-ut sapo zyra të rinisë veprimtarinë e saj. Lutemi për mirëkuptimin tuaj” njofton ambasada.
Në raste urgjente konsullore, ambasada bën me dije se mund të kontaktohet përmes numrit të shërbimit të gatshëm 068 202 9109.
“Lutemi për mirëkuptimin tuaj që përmes këtij numri nuk mund të japim informacione rreth datave të aplikimit apo procedurave për vizë” sqaron më tej ambasada.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.