Ambasadori i SHBA-ve: Greqia mund të mbështetet te sipërmarrësit për rritjen ekonomike

“Sipërmarrësit mund të nxisin me shpejtësi rritjen ekonomike në Greqi, për aq kohë sa qeveria heq pengesat burokratike, kështu u shpreh ambasadori i Shteteve të Bashkuara Geoffrey Pyatt në Samitin e Selanikut të premten.

Ky Samit u mbajt nga Federata e Industrive për Greqinë Veriore . Në fjalën e tij Pyatt u përqendrua në iniciativat e ambasadës në promovimin e bizneseve greko-amerikane në Greqi dhe jashtë vendit, si deh theksoi fuqinë dhe potencialin e sipërmarrësve grekë.

“Unë besoj se rritja e nxitur nga sipërmarrja mund të realizohet mjaft shpejt, me kusht që qeveria greke të heqë pengesat dhe të nxiten stimujt e duhur,” nënvizoi ambasadori.

Ai vuri në dukje se në takimet e tij me sipërmarrësit ata kishin shprehur dëshirën për të qëndruar në Greqi , por pranoi se “burokracia e qeverisë, ndryshimet e vazhdueshme në tatime dhe mungesa e financimit nuk e bëjnë të lehtë”, dhe sugjeroi që qeveria të përqafojë dhe nxisë inovacionin  dhe të pranojë se idetë dhe investimet janë nxitësit binjakë të rritjes ekonomike.

“Në vitin 2016, Greqia ishte burimi i 10 me rritjen më të shpejtë të investimeve të huaja direkte në Shtetet e Bashkuara dhe Shtetet e Bashkuara ishin burimi më i madh në  investimet e huaja direkte në Greqi, e pamë, për shembull, verën e kaluar, kur fondet e SHBA-së  çuan në kthimin e suksesshëm të Greqisë në tregjet financiare. “

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.