Ambasadori i tërhequr francez kthehet në Romë ‘sot’

Ambasadori i Francës në Itali, i tërhequr një javë më parë si përgjigje e një sërë komentesh kritike drejtuar Francës nga politikanët italianë, rikthehet në Romë këtë të premte, deklaroi Ministri francez i Çështjeve Evropiane.

Franca tërhoqi ambasadorin e saj më 7 shkurt, kjo ishte tërheqja e parë e një të dërguari francez në Romë që nga Lufta e Dytë Botërore.

Lexo edhe këtë: Pas takimit të Di Maio me jelekverdhët – Franca tërheq ambasadorin e saj nga Roma për “konsultime”

“Ai kthehet në Romë sot”, tha ministri Nathalie Loiseau për radio RTL.

Me herët është zhvilluar edhe një bisedë telefonike mes presidentit italian Sergio Mattarella dhe homologut të tij francez Emanuel Macron, që mesa duket ka ndikuar edhe në marrjen e këtij vendimi, për të përmirësuar marrëdhënien mes dy vendeve.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.