Amerikanët rrisin kursimet – Konsumi anemik, pavarësisht besimit në ekonomi
Konsumi në Shtetet e Bashkuara të Amerikës është rritur shumë pak të dytin muaj me radhë gjatë Shkurtit, tregojnë të dhënat më të fundit, ndërkohë që familjarët kanë rritur kursimet. Ky është indikatori i fundit në serinë e atyre që tregojnë vrullin e humbur të ekonomisë më të madhe të botës gjatë tremujorit të parë të vitit.
Por, themelet e ekonomisë amerikane mbeten mjaft të forta, shprehen ekspertët dhe analistët e tregut. Të dhëna të tjera tregojnë se, numri i amerikanëve që aplikojnë për përfitimet e papunësisë ka rënë pranë nivelit më të ulët të 45 viteve të fundit gjatë Marsit. Tregu i fortë i punës pritet të nxisë edhe pagat në tremujorin e dytë të vitit duke zhbërë kështu trendin negativ të tremujorit të parë, si në drejtim të konsumit, ashtu edhe në drejt të kursimeve.
Gjatë vitit, shpenzimet konsumatore kanë qenë anemike pavarësisht besimit mjaft të fortë të konsumatorit, që ka marrë nxitje nga shkurtimi i taksave. Disa ekonomistë shprehen se, shkurtimi i taksave, që ka hyrë në fuqi në muajin e parë të vitit, është reflektuar vetëm në fund të Shkurtit te punëtorët.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.