Analistët/ Gjermania dhe Kanadaja, në listën e ekonomive me humbjen më të madhe!
Sipas një raporti, Gjermania dhe Kanada janë ndër ekonomitë kryesore në botë më të ekspozuara ndaj dëmeve që pritet të shkaktojë koronavirusi. Përhapja e shpejtë e Covid-19 në Shtetet e Bashkuara të Amerikës, dhe pasoja ekonomike e mëvonshme mund të përbënte “probleme të rëndësishme” për Kanadanë, thuhet në raport. Kanada importoi 453 miliardë dollarë mallra si makina, makineri dhe naftë nga Shtetet e Bashkuara të Amerikës, në vitin 2019, sipas të dhënave nga Qendra e Tregtisë Ndërkombëtare me qendër në Gjenevë.
Në mesin e eksportuesve kryesorë, Gjermania është veçanërisht e ndjeshme ndaj goditjeve të prodhimit për shkak të varësisë së saj nga kërkesa e huaj për makineri gjermane, makina dhe mallra farmaceutike, sipas raportit. Gjermania eksportoi 1.49 miliardë dollarë mallra globalisht në vitin 2019, sipas të dhënave të ITC.
“Ekonomitë e hapura do të vuajnë për një periudhë më të gjatë kohore nga efektet e ofertës dhe kërkesës së koronavirusit”, thuhet në raport. “Edhe pasi virusi është vënë nën kontroll brenda vendit, një ekonomi e hapur do të vazhdojë të vuajë nga virusi për shkak të rënies së kërkesës në vendet që janë ende duke luftuar me krizën.”
Përsa i përket ekonomisë amerikane, ajo pritet të jetë disi më e mbrojtur nga kriza tregtare, thuhet në raport.
Kombet, eksportet e të cilëve përfaqësojnë një pjesë proporcionale të vogël të prodhimit të tyre të përgjithshëm – si Amerika, India dhe Brazili, do të vuajnë më pak se vendet që varen më shumë nga kërkesa e huaj si Irlanda, Hungaria, Singapori dhe Vietnami, sipas raportit .
Elefteria Zguri/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.