Analiza/ Çfarë ndodhi me kursin e këmbimit? Euro s’kaloi dot në 126 lekë, paundi me ‘kapërcime të forta” ndërsa dollari me tendencë ndryshe   

Euro u luhat mes “4 pikëve” po nuk kapërceu dot nivelin e 125 lekëve!  

Monedha europiane EURO njohu lëvizje të forta gjatë vitit 2019, kryesisht në drejtim rënes. Niveli më i lartë i këmbimit të euros me lekë ishte me 28 shkurt 2019 kur këmbehej me 125.92 lekë.

Por pika më e lartë e arritur në fund të muajit shkurt do të shoqërohej nga një seri rëniesh progressive nga muaji në muaj për monedhën europiane, as sa në muajin gusht arriti në kuotën më të ulët 120.8 lekë.

Në muajt e fundit të vitit, referuar kursit zyrtar të BSH-së, monedha europiane njohu një rimëkëmbje përballe lekut por duke variuar në nivelet e 121-123 lekëve.

Gjatë vitit, monedha europiane u luhat mes “4 pikëve” përballë lekut shqiptar (121-125 lekëve).

“Kërcimet” e forta të paundit britanik

Gjatë vitit 2019,paundi britanik njohu gjithashtu luhatje të forta. Niveli më i lartë i arritur ishte ai I 147.6 lekëve,ashtu si euro,me 28 shkurt 2019.

Ashtu si Euro,edhe paundi britanik nisi të njohë në muajt pasues një trend rënës, aq sa në mesin e muajit gusht arriti në nivelin e 130 lekëve.

Pas gushtit, paundi u rikthye në trend rritës por sërish duke mos e “thyer” rekordin e fillimit të vitit. Për shkak të zhvillimeve në Britani, paundi është monedha që ka njohur “kapërcimet” më të shumta e më të forta gjatë vitit që lamë pas.

Gjatë vitit, paundi britanik u luhat mes “17 pikëve” përballë lekut shqiptar (130-147 lekëve).

Tendenca ndryshe e dollarit amerikan

Ndryshe nga monedhat e tjera, nivelin më të lartë të këmbimit me lekun,dollari amerikan e njohu në fund të vitit 2019, kur me 3 tetor u këmbye me 112.15 lekë.

Nivelin më të ulët të këmbimit,dollari amerikan e njohu me 24 qershor kur u këmbye me 106.98 lekë.

Gjatë vitit, dollari amerikan lëvizi mes “6 pikëve” (106-112 lekë)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.