Analizë / A po e përdor pandeminë ekstremi i djathtë për të thithur më shumë vota?
Një faqe tipike në Facebook e të djathtës ekstreme Çeke zakonisht përmban video të huliganizmit të futbollit me fjalë antisemite dhe ndjenja anti-emigrim.
Por ky vit është ndryshe. Në Boj Pokračuje (“Lufta vazhdon”), një nga shkaqet kryesore ka qenë lufta kundër të ashtuquajturës “diktaturë COVID”.
“Lufta vazhdon” ishte një nga shumë grupe të ekstremit të djathtë që u bëri thirrje njerëzve të protestojnë më 17 nëntor kundër kufizimeve të qeverisë Çeke për pandeminë, një fushatë e filluar nga një grup në internet i quajtur Manifest, themeluesi i të cilit David Tesar shkroi në Facebook: “Ndalni tiraninë , ndalni Covidizmin, ndalni qeverinë, ndalni bllokimet “.
Një përfitues i ndjenjës anti-bllokim është partia Çeke e së djathtës ekstreme Liria dhe Demokracia e Drejtpërdrejtë (SPD). Popullariteti i saj “duket se është forcuar pak javët e fundit për shkak të efekteve të pandemisë”, tha Lubomir Kopecek, një profesor i shkencave politike në Universitetin Masaryk.
Një sondazh i kryer në fillim të nëntorit nga Kolegjet Kombëtare Evropiane, një iniciativë e përbashkët nga tre anketues, zbuloi se vetëm 36% e të anketuarve Çekë do të donin të vaksinoheshin kundër koronavirusit. Sondazhi gjeti se shumë nga ata që kundërshtojnë vaksinimin, janë mbështetës të SPD.
E megjithatë, fryma anti-karantinë që mbështetet nga radikalët e së djathtës nuk është përkthyer në shumim të votave për ta. Virusi ka bërë realitet ëndrrat nacionaliste, por partitë e ekstremit të djathtë duket se nuk janë në gjendje ta shfrytëzojnë atë. Janë paraqitur disa hipoteza për të shpjeguar këtë: nga rënia e ndjeshme e imigracionit mes pandemisë në një ‘mbledhje rreth flamurit’ për shkak të krizës. Por mbi të gjitha, anti-karantina është një kauzë që po mbështetet dhe nga partitë e mëdha të qendrës, çka rrit konkurrencën dhe thith vota nga partitë e vogla.
Dosti Banushi – SCAN
Burimi: Euronews
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.