Angli, 1 në 15 persona, pozitiv – Johnson: Norma me e shpejtë ndonjëherë nxitur nga varianti Omicron
Kryeminsitri britanik, Boris Johnson, tha se rastet me covid-19 po rriten me normën më të shpejtë ndonjëherë, ndërkohë që Britania raportoi normat e infeksioneve për javën e fundit 2021, me 1 në 15 persona në Angli që rezultuan pozitiv. Duke folur në parlament, Johnson tha se shtrimet në spitale po rriten tek moshat e treta, duke u dyfishuar çdo dy javë për ata në 60-vjeç e sipër, pavarësisht se shtoi se mendon që kufizimet aktuale do të jenë të mjaftueshme për të përmbajtur valën e fundit.
Johnson tha se vaksinat polivalente, që funksionojnë kundër disa varianteve të një virusi, mund të duhen për të trajtuar Covid në të ardhmen. Rritja e rasteve të nxitura nga varianti Omicron, me mbi 220,000 të regjistruara në një ditë të vetme, ka vendosur sistemin e shëndetit publik në tension, me spitalet që përballen me mungesë të stafit dhe rritje të shtretërve. Johnson ka ngurruar deri më tani që të rivendosë një masë të ashpër të karantinës për Anglinë, duke u përqëndruar më shumë tek fushata e dozave nxitëse të vaksinës dhe inkurajimi i kujdesit tek banorët, përfshirë duke bërë të detyreshëm vendosjen e maskave dhe sugjerime për të punuar nga shtëpia.
Agjencia e Sigurisë Shëndetësire në Britani, theksoi se njerëzit pa simptoma të Covid-19 që testohen pozitiv me test të shpejtë në Angli, nuk do të duhet të konfirmojnë rezultatin me një test PCR që ka nevojë për procesim në laborator. KJo lëvizje është projektuar për të zbutur presionet edhe tek sistemi i testimeve. Johnson lajmëroi ditën e Mërkurë se kërkesat për testime tëk udhëtuesit do të zbuten nga data 7 Janar, përfshirë duke hequr testet përpara nisjes.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.