Anglia do rihapë shkollat nga 8 Marsi. Pritet zbutje graduale e karantinës prej vaksinimit të suksesshëm
Shkollat në Angli do të rihapen nga data 8 Mars dhe 2 familje apo 6 persona do lejohet të takohen në ambiente të jashtme nga 29 marsi, ndërkohë që zbuten masate karantinës së Covid-19, sipas ministrit të vaksinës, Nadhim Zahawi. Kryeministri britanik, Boris Johnson do të prezantojë së shpejti rrugëtimin e Anglisë jashtë karantinës së Covid-19, në përpjekje për të hapur gradualisht ekonominë, mbështetur nga një prej fushatave më të shpejta të vaksinimit në botë.
“Aktualisht kemi rreth 18,000 njerëz në spitale , shifër në rënie të madhe, që është lajm pozitiv pasi karantina ka qenë efektive dhe e ashpër. Por programi i vaksinimit po jep ndikim të dukshëm gjithashtu. Ekipi i oksfordit tregoi se programi i vaksinimit ka ulur normën e transmetimit me 2/3. 8 Marsi është data që duam të rihapen shkollat dhe do punojnë gjatë kësaj periudhe për përgatitjen e tyre. “
Me mbi 120,000 vdekje, Britania ka numrin e pestë më të lartë në botë dhe ekonomia ka regjistruar një prej goditjeve më të forta në 300 vite. Megjithatë, nisja e shpejtë e vaksinës, shtuar karantinën thuajse 2-mujore kombëtare, ka dhënë efektet dhe Johsnon pritet të prezantojë një dalje me faza nga kufizimet dhe rikthimin e fëmijëve në shkolla. Autoritetet në Skoci, Uells dhe Irlandën e Veriut, që kanë përgjegjësi për vendimet e tyre të veta publike, pritet të lehtësojnë gjithashtu masat në muajt e ardhshëm.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.