Anglia merr vendimin drastik: Karantinë e detyruar 2 javore për udhëtarët që nga 8 qershori!
Mbretëria e Bashkuar ka ndërmarrë vendimin drastik të një periudhe karantine 14-ditore për udhëtarët që vijnë nga e hëna (8 qershor), me gjithë kundërshtimin e fortë nga disa sektorë të industrisë së turizmit.
Tri linja ajrore – British Airëays, Ryanair dhe Easyjet – janë ankuar ndaj qeverisë britanike në protestë për masat që ata thonë se janë “joproporcionale dhe të padrejta për qytetarët britanikë, si dhe vizitorët ndërkombëtarë që vijnë në Mbretërinë e Bashkuar”.
Një deklaratë e dërguar në Euronews nga Ryanair dhe që përfaqëson të tre kompanitë pretendon se karantina do të jetë “joefektive” dhe do të ketë “një efekt shkatërrues në industrinë e turizmit në Mbretërinë e Bashkuar”, duke shkatërruar mijëra të tjera vende pune përveç atyre tashmë të humbura në mes të pandemisë.
Sipas rregullave të reja në Mbretërinë e Bashkuar, banorët dhe vizitorët që udhëtojnë në MB në ose pas 8 qershorit duhet të japin detajet e udhëtimit dhe kontaktit, dhe të izolohen për 14 ditët e para. Kjo do të thotë se ata nuk mund të largohen nga vendi ku ata qëndrojnë, përveç se në rrethana shumë të kufizuara.
Përjashtime bëhen për disa profesione dhe tregti, si dhe për njerëzit që hyjnë nga Irlanda, Ishujt Channel dhe Ishulli i Manit. Ata që bien ndesh me rregullat në Angli dhe në Irlandën Veriore do të përballen me gjobë deri në 1,120 euro.(EN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.