Ankand i ri për shitjen e pasurive të sekuestruara! Në listë lokal, apartament e prona në bregdet

Ministria e Financave ka nxjerrë në shitje me ankand 4 prona që menaxhohen nga Agjencia e Administrimit të Pronave të Sekuestruara dhe të Konfiskuara. Ankandi zhvillohet me 14 gusht të këtij viti në ambientet e Drejtorisë së Drejtorisë së Drejtimit të Pronës Publike. Në listë janë një apartament, një lokal dhe dy prona në Durrës dhe Tiranë.

Çdo person fizik apo juridik i interesuar për blerje me ankand duhet të paraqesë në vendin, datën dhe orën e njoftuar pranë komisionit të ankandit, dokumentacionin si më poshtë:

-Kërkesë me shkrim për blerjen e objektit apo të ndërmarrjes, të regjistruar pranë protokollit të Ministrisë së Financave dhe Ekonomisë.

-Mandatpagesën në origjinal që vërteton derdhjen apo ngurtësimin e 20% të vlerës së fillimit të ankandit në lekë.

-Dokument identifikimi (pasaportë biometrike ose letërnjoftim).

Pjesëmarrësi në ankand, i cili tërhiqet nga ankandi pa dhënë asnjë ofertë për vlerën e objektit të shpallur për shitje, nuk i kthehet 20% e vlerës fillestare, të ngurtësuar për pjesëmarrje në ankand.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.