ANSA/Raporti për klimën: Në 10 vite thuajse 1 mijë ngjarje ekstreme moti në Itali. 158 prej tyre vetëm në 10 muajt e vitit 2020
Rekord mbi rekordin, ndryshimi klimatik nuk ndal vrapin dhe në 10 vite në Itali janë shfaqur 946 fenomene meteorologjike ekstreme në 507 komuna të vendit. Vetëm në 10 muajt e parë të vitit 2020, janë konstatuar 86 raste reshjesh intensive dhe 72 raste stuhish, me rritje të fortë në krahasim me vitin 2019.
Këto të dhëna janë bërë publike nga ‘Osservatorio CittàClima di Legambiente’ ku evidentohet se fenomenet janë në rritje të vazhdueshme. Raporti i publikuar është emërtuar “Il clima è già cambiato-Klima ka ndryshuar tashmë”.
Mes qyteteve më të goditura është kryeqyteti, Roma, ku nga viti 2010 deri në tetorin e vitit 2020 janë konstatuar 47 ngjarje ekstreme, 28 prej të cilave i përkasin reshjeve intensive.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.