Antikorrupsioni shkrin tërësisht Kadastrën e Durrësit – Manja: Në prokurori drejtuesit dhe 10 specialistë. 210 legalizime në kundërshtim me ligjin

Hetimi i njësisë Antikorrupsion ka dërguar për ndjekje penale drejtuesit dhe specialistët e kadastrës së Durrësit, duke e shkrirë tërësisht këtë strukturë. Ministri i Drejtësisë Ulsi Manja tha se shkak janë bërë legalizimet korruptive e në kundërshtim me ligjin. Ai tha se bëhet fjalë për një koordinim perfekt e të gjithë administratës së kësaj drejtorie në shkelje të ligjit, duke filluar nga drejtori deri te çdo nëpunës për të legalizuar ndërtimet korruptive.

Shkelje të rënda janë evidentuar nga njësia antikorrupsion edhe në Kadastrën e Kavajës, ku Ministri i Drejtësisë përmendi dy objekte të legalizuar në kundërshtim me vendimet e gjykatave, të cilët shtrihen në hapësira ku janë parashikuar rrugë publike.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.