APD informon mbi situatën e anijeve të mallrave që kanë mbërritur në portin e Durrësit

Autoriteti Portual i Durrësit njofton se pesë anije me mallra të ndryshme kanë nisur të përpunohen sot paradite në portin e Durrësit, ndërsa priten edhe shtatë anije të tjera për përpunim.

Sipas njoftimit nga Dispeçeria qendrore e APD-së, bëhet e ditur se  anijet e akostuara në të tre Terminalet portualë po shkarkohen mbi 11 mijë tonë vaj ushqimor, hekur dhe skrap gjithsej, si dhe 450 kontejnerë, ndërsa ka filluar të ngarkohen 4,100 tonë çimento për eksport.

APD njofton se në radën portuale presin të akostohen 3 anije me skrap dhe qymyr, ndërsa priten edhe katër anije të tjera me çimento, qymyr dhe kontejnerë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.