Apeli i Postës Shqiptare: Kujdes me platformat e jashtëligjshme! Nxitoni për dekoderat pasi në shtator ndërpriten sinjalet analoge
Në kuadër të pajisjes me dekodera televizivë, Posta Shqiptare u bën apel qytetarëve që të mos bien pre e platformave anonime dhe të jashtëligjshme të cilat mund të jenë më të lira, por të pasigurta për ecurinë e tyre.
Posta rikujton se në ditët dhe muajt në vazhdim do të ketë aksione nga Autoriteti i Mediave Audiovizive (AMA), ndaj piraterisë televizive të shtrirë në të gjithë vendin.
“Ne ju mirëpresim në zyrat tona postare të blini sa më shpejtë të mundeni aparatin dekoder, me qëllim evitimin e rradhëve në periudhën e muajit shtator, ku do të ndërpriten sinjalet analoge në të gjithë Shqipërinë” shkruhet në njoftimin e Postës. Dekoderi zyrtar i RTSH-së gjendet ekskluzivisht vetëm në zyrat e Postës Shqiptare.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.