Aplikim i ri pranë MIE – Interes për ndërtimin e një HEC-i në Qarkun e Tiranës
Aplikimet për ndërtimin e hidrocentraleve të vogla në vend vijojnë. Një tjetër kërkesë ka ardhur pranë Ministrisë së Infrastrukturës dhe Energjisë për ndërtimin e një HEC-i në Qarkun e Tiranës.
Aplikuesi “Tirana Energji” sh.p.k ka aplikuar në MIE për miratimin e ndërtimit të hidrocentralit “Mali.”
Ky hidrocentral parashikohet të ndërtohet në lumin e Tërkuzës, degë e lumit Ishëm, pjesë e Qarkut të Tiranës. Kapaciteti prodhues i tij do të jetë deri në 2 MË.
Ndërkohë, vetëm në muajt e fundit të vitit të kaluar dhe në fillim të këtij viti janë bërë disa kërkesa për ndërtimin e më shumë se 6 hidrocentraleve të vogla që përfshijnë Qarkun e Lezhës, Shkodrës dhe Korçës.
Genta Dobra/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.