Aplikimet për azil në BE rriten me 10% në gjashtë muajt e parë të vitit 2019

Aplikimet për azil në vendet europiane u rritën me 10% në gjysmën e parë të vitit në krahasim me të njëjtën periudhë të vitit 2018, tregojnë të dhënat zyrtare të publikuara.

Analizat paraprake nga Zyra Europiane e Mbështetjes së Azilit (EASO) tregojnë se kishte 337.200 aplikime për azil të paraqitura në gjashtë muajt e parë të vitit në vendet e BE-së.

Vendet kryesore të origjinës së azilkërkuesve ishin Siria, Afganistani dhe Venezuela.

Agjencia e BE vuri re që numri i aplikimeve nga shtetas të disa vendeve të Amerikës Latine përfshirë Venezuelën, Kolumbinë dhe Salvadorin tashmë është i barabartë ose i tejkalon ato të një viti më parë.

Pavarësisht rritjes së aplikimeve, vendet e BE shqyrtuan vetëm 41.700 aplikime, rezultati më i ulët në rreth katër vjet.

Qytetarët nga Jemeni dhe Siria, ku luftërat e përgjakshme civile kanë vazhduar për disa vjet kishin nivelin më të lartë të pranimit (84%), ndërsa azilkërkuesit nga Moldavia dhe Maqedonia e Veriut kishin më të ulëtat, përkatësisht 0.3% dhe 1%.

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.