Apple –1 miliardë dollarë investime në kampusin e ri në Teksas
Apple do të investojë 1 miliard dollarë në një kampus të ri në Austin të Teksasit, bëri të ditur kompania ditën e enjte. Kampusi prej 133 hektarësh do të vendoset në North Austin dhe do të strehojë 5,000 punonjës të rinj, duke pasur një kapacitet prej 15,000 punonjës.
Kampusi i ri do të gjendet më pak se një milje nga objektet ekzistuese të Apple të Austin dhe do të krijojë një sërë punësh në fushën e inxhinierisë, R & D, operacioneve, financave, shitjeve dhe mbështetjes së klientëve. Apple tha se zgjerimi do ta bëjë atë ndërmarrjen më të madhe private në Austin. “Apple është krenar për të sjellë investime, punë dhe mundësi të reja për qytetet anembanë Shteteve të Bashkuara dhe për të thelluar ndjeshëm partneritetin tonë me qytetin dhe qytetarët e Austin,” tha themeluesi i Apple, Tim Cook në një njoftim për shtyp.
Të enjten, Apple njoftoi gjithashtu plane për hapjen e vendeve të reja dhe shtimin e mbi 1,000 punonjësve në Seattle, San Diego dhe Culver City gjatë tre viteve të ardhshme. Ai tha se do të zgjerojë gjithashtu edhe operacionet ekzistuese në Pittsburgh, Nju Jork, Boulder, Boston dhe Portland, Oregon.
Apple njoftoi gjithashtu se ka shtuar 6,000 vende pune të reja në SHBA në vitin 2018 dhe është në rrugën e duhur për të krijuar 20,000 vende pune në të gjithë vendin deri në vitin 2023. Apple planifikon të investojë 10 miliardë dollarë në qendrat e të dhënave në SHBA gjatë pesë viteve të ardhshme, duke përfshirë 4,5 miliardë dollarë investime vitin e ardhshëm.
Presidenti Donald Trump ka sulmuar ashpër Apple në lidhje me prodhimin e shumë pajisjeve të saj jashtë Shteteve të Bashkuara. Në shtator, ai paralajmëroi se Apple mund të përballet me më shumë tarifa, duke urdhëruar kompaninë të “prodhojë produktet tuaja në Shtetet e Bashkuara në vend se të prodhohen në Kinë”, sipas Trump. Sa kaq, presidenti Trump paralajmëroi se do të vendosë një tarifë prej 10 për qind tek iPhone dhe laptopë të cilat do të prodhohen në Kinë muajin e kaluar.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.