Apple ofron 1 milion dollarë për studiuesit që gjejnë të meta në sigurinë e iPhone
Apple Inc ofron për studiuesit e sigurisë kibernetike deri në 1 milion dollarë për të zbuluar të metat në iPhone, shpërblimi më i madh i ofruar ndonjëherë nga një kompani për t’u mbrojtur kundër hakerave, në një kohë kur shqetësimi, se qeveritë po depërtojnë nëpër pajisjet celulare të disidentëve, gazetarëve dhe mbrojtësve të të drejtave të njeriut, po rritet. Ndryshe nga kompanitë e tjera të teknologjisë, Apple më parë ka ofruar shpërblime vetëm për studiuesit që përpiqeshin të gjenin të meta në telefonat e saj dhe rezervat e ‘cloud’.
Në konferencën vjetore të sigurisë Black Hat në Las Vegas të enjten, kompania tha se do të hapë procesin për të gjithë studiuesit, do të shtojë softuerin Mac dhe target të tjerë, dhe do të ofrojë një gamë shpërblimesh, të quajtur “dhuratat”, për gjetjet më të rëndësishme. Shifra prej 1 milion dollarësh do të zbatohej vetëm për qasjen në distancë në bërthamën e iPhone pa ndonjë veprim nga përdoruesi i telefonit.
Kontraktuesit e qeverive dhe ndërmjetësit kanë paguar rreth 2 milion dollarë për teknikat më efektive të hakerave për të marrë informacion nga pajisjet celulare. Shpërblimet e reja të Apple, megjithatë, janë në të njëjtin varg sikurse dhe shifrat e publikuara nga këta kontraktorë. (Reuters)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.