Apple vlen një trilion dollarë – Ja 9 njerëzit që ishin të bindur se Iphone do të dështonte
Apple është kompania e parë që vulosi fitimin e saj me mbi një trilion dollarë. Produkti më fitimprurës i kompanisë ka qenë Iphone. Në vitin 2017 Apple ka shitur rreth 216 milionë Iphone. Në tremujorin e tretë të vitit 2018, Apple krijoi 56.15 përqind të të ardhurave nga shitjet e iPhone.
Por suksesin e saj nuk e kishin parashikuar shumë persona, madje kishte disa njerëz që e konsideronin Apple si një dështim që në hedhjen në treg të Iphone-it të parë në vitin 2007.
Sipas Steve Ballmer, në atë kohë CEO e Microsoft, Iphone nuk kishte asnjë shans që të bëhej një produkt i rëndësishëm në treg. Edhe Richard Sprague, drejtor e lartë e Microsoft tha se nuk mendonte se do të kishte njerëz që do ta blinin atë, përveç besimtarëve fetarë.
Për më tepër, Microsoft mbajti një “funeral” për Iphone kur lançoi një version të ri të Windows Phone.
Një tjetër person pesimist për Iphone ka qenë Jim Balsillie, atëherë bashkë-CEO i RIM-it. Ai tha se është një lloj hyrjeje në një hapësirë tashmë shumë të zënë me shumë zgjedhje për konsumatorët dhe Apple është duke e ekzagjeruar atë.
Gjithashtu, Ed Colligan, CEO i Palm në atë kohë tha: “Ne kemi mësuar dhe kemi luftuar për disa vite për të parë se si të bëjmë një telefon të mirë. Dhe nuk mendoj se do jetë Apple ajo që do e bëjë.” Kjo deklaratë e tij u bë disa muaj para se Apple të dilte në treg.
Anssi Vanjoki, strateg i “Nokia”në atë kohë, tha: “Edhe me Mac, Apple ka tërhequr shumë vëmendje në fillim, por që ka mbetur e zbehtë. Kjo do të ndodhë edhe në telefonat celularë”.
CEO i Nokias Olli-Pekka Kallasvuo, gjithashtu nuk e mori seriozisht “kërcënimin” e Apple. Ai tha: “Nuk mendoj se ajo që kemi parë deri më tani (nga Apple) është diçka që do të na bënte të ndryshonim mendimin tonë kur është fjala për hapësirat dhe qasjet tona të biznesit”.
Një tjetër injorim ka ardhur dhe nga Ed Zander, Ceo i Motorola në atë kohë. Kur ai u pyet se a po planifikonte të bënte marrëveshje me Apple, ai u përgjigj: “Si do munden ata të bëjnë marrëveshje me ne?”
Tani, 11 vjet më vonë, Iphone është padyshim një sukses i padiskutueshëm.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.