“Apple Watch” nuk do të ketë më nevojë për një iPhone që të kryejë funksionet bazë
Apple do të nxjerrë në treg një orë të re, e cila nuk do të ketë më nevojë të jetë e lidhur me një telefon Apple në mënyrë që të kryejë funksionet bazë, të tilla si telefonatat, dërgimi i mesazheve etj, shprehet një burim për CNBC.
Gjigandi teknologjik i SHBA-së do ta nxjerrë këtë produkt të ri në treg në shtator, ku gjithashtu priten edhe 3 modele të reja iPhone.
Për “Apple Watch-in” e mëparshëm ka qenë gjithnjë nevoja për tu lidhur me një iPhone në mënyrë që të kryeje funksionet bazë si tekstet, apo telefonatat.
Por versioni i gjeneratës së ardhshme do ta ketë lidhjen nëpërmjet një karte e cila është pjesë përbërëse e pajisjes.
Shtimi i kësaj lidhjeje do t’i lejojë njerëzit të kryejnë shumë funksione duke mos iu nevojitur më një iPhone aty pranë.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.