Arben Shkodra në ‘’Argument’’,”’Duhet të kemi një reformim të inspektorateve që të zbatojnë këto ligje.- Përbërja e AKU nuk është e përshtatshme”

Sekretari i përgjithshëm i Bashkimit të Prodhuesve Shqiptarë, Arben Shkodra,  ishte pjesë e panelit në ‘’Argument’’, të hënën në mbrëmje, për të diskutuar rreth sigurisë ushqimore në Shqipëri. Shkodra, shprehet se duhet të kemi patjetër një reformim të inspektorateve, në mënyrë që të zbatohen maksimalisht ligjet e vendosura.

‘’Duhet të kemi një reformim të inspektorateve që të zbatojnë këto ligje. Përbërja e AKU nuk është e ‘përshtatshme’, si për  kërkesat e rritjes së teknologjisë apo rritjes së kërkesës së tregut. Ne kemi filluar të prekim tregje të cilat as nuk i mendonim më parë, pasi kërkohej një standard shumë i lartë ushqimor për të operuar në tregun mbarëkombëtar. ‘’

Sipas z.Shkodra AKU nuk është problemi themelor i kësaj gjendjeje, pasi ka një sëre faktorësh që përbëjnë të tërën. Ndër më kryesorët ai vecoi prodhuesit të cilët duhet të kënë garancinë ushqimore, ndërsa nga ana tjetër është problemi i kulturës së konsumatorit i cili ende nuk është sensibilizuar, se duhet të jetë më i kujdesshëm në përzgjedhjen e blerjes së ushqimeve.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.