Argjentinë, dorëhiqet ministri i shëndetësisë – Vendimi vjen pas akuzave se 10 persona kishin marrë vaksinën pa ndjekur procedurën e duhur
Ministri i shëndetësisë i Argjentinës dha dorëheqjen pas raporteve, se disa persona kishin përdorur lidhje miqësore per t’u vaksinuar kundër COVID-19 jashtë rradhe.
Gines Gonzalez Garcia tha në një postim në Twitter se individët kishin shmangur procedurën e duhur për vaksinimet për shkak të “konfuzionit të padëshiruar” në zyrën e tij.
Dy burime në presidencë thanë më herët të se Presidenti Alberto Fernandez kishte kërkuar dorëheqjen e Gines pasi akuzat u bënë në media për të paktën 10 persona që merrnin vaksinat pa ndjekur procedurën e duhur, mes tyre një gazetar veteran që pretendoi se kishte marrë një dozë pasi foli drejtpërdrejtë me ministrin.
Skandali në rritje hedh në vëmendje frikën më të gjerë në rajon rreth korrupsionit dhe aksesit në vaksina, të cilat janë në mungesë.
Në fillim të këtij muaji, ministrat e shëndetit dhe të Jashtëm të Perusë u larguan dhe ish-presidenti i saj u vu nën hetim penal pas raporteve të qindra zyrtarëve peruanë dhe të tjerë morën doza vaksinash jashtë provave klinike dhe para se të fillonte programi kombëtar i imunizimit.
Që nga e Mërkura në Argjentinë, rreth 250,000 njerëz kishin marrë dy doza të vaksinës COVID-19. Vendi me rreth 45 milione banore ka konfirmuar mbi 2 milion infeksione me koronavirus dhe 51,000 vdekje.
Agjencia shtetërore e lajmeve e Argjentinës tha se Carla Vizzotti, një zëvendësministre e shëndetësisë, do të jete ministrja e ardhshme, megjithëse nuk ka ende asnjë konfirmim zyrtar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.