“Argument” – Anastas Angjeli: “3 gjërat kryesore që qeveria duhet të bëjë për përballimin e krizës së COVID-19 në të ardhmen”

Në emisionin “Argument”, mbrëmjen e sotme ishte i ftuar Anastas Angjeli, deputet i parlamentit të Shqipërisë dhe ish-ministër Financash.

Gjatë peirudhës së pandemisë në Shqipëri janë ngritur shumë pikëpyetje mbi masat ekonomike dhe pasojat që e prêt Shqipërinë. Goditjet në financat publike pritet të jenë të mëdha dhe në planin afatgjatë rritja e borxhit public duket e pashmangshme.

Deputeti Angjeli ka shpjeguar se në këto moment qeveria shqiptare duhet të fokusohet në tre drejtime kryesore për të ruajtur stabilitetin:

“Kriza do të ndjehet padysim edhe në Shqipëri. Zinxhiri ekonomik është ndërprerë, patëm problem me kërkesën dhe ofertën dhe natyrisht që kjo ndërprerje preu edhe pagesën e taksave fiskale. Kjo shënoi një ulje në tatimin mbi vlerën e shtuar dhe tronditja në financat publike e dha sinjalin e vet të fortë në fund të prillit, duke shënuar një përkeqësim të situatës ekonomike dhe financiare në vendin tonë.

Duhet të bëjmë debat edhe për politikën afatshkurtër, por edhe afat gjatë e afatmesëm për ekonominë tonë në pasoajt që ka lënë kriza.

Nga pikëpamja e parë, ashtu si Europa po fillon të dalë nga masa e izolimit edhe Shqipëria, kryeministri deklaroi se në fund të muajit maj do jemi tërësisht të hapur.

Në dy paketat e parë u fokusuam te mbështetja e shëndetësisë, te punonjësit e dalë nga puna dhe lehtësitë fiskale. Tashmë në fazën e tretë duhet të ndryshojë edhe fokusi i mbështetjes që duhet të japim.

Në paketën e ardhshme financiare nëpërmjet rishikimit të buxhetit,do duhet që  pas një vlerësimi të situatës në muajin qershor për të llogaritur saktë goditjen që kemi marrë në gjashtë mujorin e dytë, duhet të bëjmë rialokimin e fondeve në sektoret më të prekura, si turizmi, bujqësia, importet dhe eksportet. Ky është fokusi I parë.

Fokusi i dytë, duhEt të jetë punësimi. Sot kemi miliona vende pune të humbura në botë, ndërsa në vendin tonë janë rreth 70 mijë vetë të papunë. Pra në paketën e dytë, duhet të fokusohemi tek ajo që unë do ta quaja Fondi i Punës, i cili duhet vënë në dispozicion të Zyrave Kombëtare të Punësimit. Duhet bërë evidentimi i të papunëve, për të nxjerra shifra statistikore mbi ta dhe duhet të rifillojë rikualifikimi i tyre për tregun e ri. Në disa sektorë duhet të ketë mbështetje dhe subvencionim për punonjësit. Duhet të shohim me një sy tjetër modelin e nxitjes së punësimit. Vetë stili dhe organizimi i këtyre organeve do të ndryshojnë dhe të gjitha këto duhet të jenë në dispozicion të papunëve.

Së treti, ne duhet të kujdesemi për likuditetin. Ne kemi nxjerrë dy Fonde Garancie, por nevojat do të jenë edhe më të mëdha, gjatë periudhës ushtrimore deri në fund të vitit dhe qeveria duhet të kujdeset për vazhdimin e kësaj.”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.