“Argument” – Arben Shkodra: “Sektori i fasonit më i godituri nga kriza. Duhet kujdes me papunësinë”
I ftuar në “Argument” ka qenë mbrëmjen e sotme Sekretari i Përgjithshëm i Bashkimit të Prodhuesve Shqiptarë, Arben Shkodra.
Sipas anketës nga Këshilli i Investimeve në Ministrinë e Financave bizneset shprehin problematika nga më të ndryshme, ku vetëm 8% e tyre shprehet se vazhdojnë ende aktivitetin.
Pagesat e likuditetit, ulja e normës së fitimit, vështirësi në pagimin e taksave janë disa prej problemeve reale që ato përballen.
Z.Shkodra në fjalën e tij u shpreh se Shoqata ku ai bën pjesë ka kryer gjtihashtu një sondazh që ka zbuluar disa treguesë kryesorë për krizën që po kalojmë:
“Ky sondazh nga Këshilli i Investimeve ngjan me sondazhin tonë të parë.Është I rëndësishëm pasi duhet të japi një panoramë reale të ekonomisë shqiptare. Ne kemi kryer edhe sondazhin e dytë, ku kemi shtuar fushat dhe disa elementë të tjerë, ku mund të kuptojmë më mirë, se çfarë impakti mund të jape kjo situate.
Sa i përket ndikimit të pandemisë në biznese 47% shprehen shumë negative, 40% negative dhe 13% mesatare. Kur flasim nëse kompanitë janë efketive 14% e kanë mbyllur tërësisht, 80% e tyre kanë mbi 50% reduktim të xhiros dhe 6% nuk kanë ndryshim. Ky grup i fundi janë ushqimoret që kanë funksionuar dhe kanë arritur një lloj piku artificial.
Për të ardhurat gjysma e kompanive kanë 50% rënie të ardhurash. Sektori më i goditur është fasoni. Duhet të merrën 2 elemntë parasysh në këtë sektor pasi varet nga importimi i lëndëve të para dhe më pas eksporton në vendet e huaja. Ka një çrregullim totalisht të transportit ndërkombëtar, pasi ka shtyrje të afateve dhe ngadalësime.
Me shumë shqetësim po shohim mbylljen e kontratave ekzistuese dhe mos-hapjen e të rejave në këtë sektor.”
Gjithashtu mbi paketën e dytë të shpallur nga qeveria, Z.Shkodra është shprehur se ishte një hap i mirë dhe vendimtar por duhet parë me kujdes pjesa e papunësisë:
“Në lidhje me deklarimet e kryeministrave kjo është një paketë që edhe politik-bërja ka reflektuar të mendojë me atë çfarë do të ndodhë ne ekonomi. Përtej impaktit në Shëndetësi, përtej impaktit social, çelësi i suksesit për të dalë nga kjo krizë me pak dëme është ndërhyrja në ekonomi.
Paketa e dytë nuk do jetë e majftueshme për punonjësit me një rrogë mbi nivelin e 40 00 mijë lekëve, por gjithsesi është një e kënaqshme. Në shumën që është sipërmarrësit po mendojën për një lloj kompensimi në marrëveshjet private me punonjësit. Duhet të mendojmë për një mekanizëm social, që i vjen në ndihmë sipërmarrjes për të mos krijaur papunësi që shkon drejt asistencës sociale. Një shembull i mirë për këtë është Italia”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.