“Argument” – Biznesi në Shqipëri, Raporti i DASH, Teliti: “Problematikat thellohen. Jemi të fundit në rajon nga çdo raport”
Emisioni “Argument” ka nisur sezonin e ri televiziv për të sjellë në publikun shqiptar debatin ekonomik dhe politik, duke shoqëruar me analiza të gjitha ngjarjet e rëndësishme deri në qershor të vitit 2021.
Teksa ky vit ka qenë një ndër më të ngarkuarit në ngjarjet sociale dhe politike, efektet e këtyre pasojave janë ndjerë në mënyrë të padiskutueshme në ekonominë botërore, por edhe atë shqiptare.
Shqipëria e ndodhur në mesin e dy goditjeve të njëpasnjëshme si tërmeti i 26 nëntorit dhe pandemia e COVID-19 përballet me shumë sfida në sferën ekonomike, teksa përgatitet edhe për fushatën elektorale me zgjedhjet parlamentare të vendosura për datën 25 prill.
Në emisionin e sotme është trajtuar dokumenti më I rëndësishëm për klimën e biznesit në Shqipëri I përpiluar nga Departamenti Amerikan i Shtetit, ku janë identifikuar edhe problematika mjaft të rëndësishme, që nuk i lejojnë investitorët e huaj të marrin iniciativa në vendin tonë.
Dorjan Teliti, Shefi i Zyrës Ekonomike në Partinë Demokratike është shprehur për gazetarin Enio Civici, se është shqetësues fakti që raporti na tregon më keq se një vit më parë:
“Njësoj si edhe ju, por edhe raportet e përvitshme. Këto shqetësime kanë qenë edhe në të kaluarën. Ajo që është shqetësuese është fakti që këto problematika janë thelluar edhe më tepër. Në vend të lehtësimit të shqetësimeve të investitorëve, ajo që ne përballemi sot është se shkruhet e zeza në të bardhë perceptimi investitorëve të huaj, pra investitorëve amerikanë, të cilët janë strategjikë dhe mund të sjellin një vlerë të shtuar reale.
Ata flasin për korrupsion endemik. Ne e njohim realitetin shqiptar dhe problematikat që përballemi si konsumatorë, por kur kjo merr edhe vulën e Departamentit Amerikan këto tashmë nuk mund të injorohen më. Janë problematika në raport që vetëm thellohen.
DAP shpreh edhe me raste konkrete biznese të huaja amerikane që e kanë pasur të pamundur të bënin biznes në Shqëipëri, gjë kjo që duhej të sqhetësonte në mënyrë alarmante ccdo qeveri në botë.”
Pyetur nga gazetari Civici se si mund të perceptohet ky raport në lidhje edhe me atë të Bankës Botërore apo Transparency International, Z. Teliti u përgjigj:
“Raporti i DAP merr perceptime si nga Transparency Interantional por edhe nga Banka Botërore, por kryesisht edhe nga perceptimi i investitorëve amerikanë dhe të tjerët që duan të futen në vendin tonë. Normalisht duhet që problematikat të vijnë me rend ulës, ku të përmirësohet reagimi i aktorëve të tregut dhe institucioneve që të ballafaqohen me shqetësimet e tregut, por duet se kjo ka qenë në nivelet zero.
Pra si në çdo raport tjetër edhe në këtë ne vazhdojmë të jemi të fundit në rajon për të të bërit biznes.”
Geri Kolgega / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.