“Argument” – Crawford mbi raportin e DASH: “Pandemia kishte ndikimin e saj. Shqipëria mund të eksportojë shërbime drejt Amerikës”
Në emisionin “Argument” mbrëmjen e sotme ishte i ftuar Z.Mark Crawford për të diskutuar mbi raportin e Departamentit Amerikan të Shtetit që flet për klimën e investimeve dhe biznesit në Shqipëri.
Teksa ndër problemet kryesore shihen korrupsioni endemik, problemet gjyqësore, konkurencën e pandershme dhe monopoleve, si dhe tutela e ulët e publikut, raporti sipas opozitës shfaqet më negativ se në vitin e kaluar.
Z.Crawford është shprehur se raporti mban në shumicën e tij të njëjtat probleme me Dhomën Amerikane të Tregtisë, por sipas tij duhet lexuar edhe në syrin e pandemsië që vendi kaloi në këtë periudhë:
“Është i lidhur me raportin e Dhomës Amerikane dhe përmban pak a shumë të njëjtat probleme. Unë nuk jam I habitur për situatën siç është në këtë mënyrë, pasi është e njëjta gjë ose pak më keq se sa në vitin që kaloi, pasi ne ishim të mbyllur. Nuk është se erdhi ndonjë investitor amerikan dhe të kishte sukses për tu përfshirë në raportin që kemi pasur.
Na nevojiten disa raste pozitive, për të përmirësuar raportin. Përmendet edhe në raport emri dhe pozicioni I atasheve ekonomike në Ambasadën këtu, por edhe nga Dhoma Amerikane e Tregtisë.
Sipas tij, në rastin problematikës së forcimit të monopoleve situata është disi më ndryshe, pasi më e rëndësishmja në situata krize është ruajtja e likuiditetit:
Është më shumë dëm për bizneset e vogla, nuk është se janë forcuar oligarkët por janë prekur më pak. Është përmendur se nuk kemi likuiditeti nëpër banka. Nuk është pyetje për fituam apo humbje, ndërsa likuditeti është i rëndësishëm. Monopolet dhe oligarkët kanë më shumë akses, por të gjithë janë të dëmtuar. Nuk është e rëndësishme vetëm fitimi apo humbja vjetore. ”
Z.Crawford shpjegoi se në këndvështrimin e ka shumë interes nga kompani amerikane për të transferuar disa prej operacioneve në Shqipëri sidomos në fushën e IT-së:
“Fokusi i raportit janë diasporat, por mendoj se mbase do ndryshojë pikëpamjen e investitorë amerikanë. Nuk pres ndonjë investim shuëm të madh pasi kemi zgjedhje, pro edhe pandemia ka prishur shumë projekte. Janë shumë gjëra në fluks. Ka shumë interes nga kompanitë amerikane, për të bashkëpunuar edhe në fushën e IT-së, është parashikuar nga qeveria, por prapëseprapë nuk është prekur maja e ajsbergut. Akoma mendoj se është diçka që do zhvillohet dhe nuk besoj se do reflektohet drejtpërdrejt, por ndoshta me eksport shërbimesh nga Shqipëria në Amerikë. ”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.