“Argument” – Dhomat e Tregtisë dhe Industrisë: “Do t’i propozojmë qeverisë një paketë të re masash për të gjithë fashat e biznesit”

E ftuar në “Argument” mbrëmjen e sotme ishte Ines Muçostepa, Kryetarja e Bashkimit të Dhomave të Industrisë dhe Tregtisë, e cila shpjegoi se paketa e parë ekonomike e qeverisë ishte e shpejtë dhe e domosdoshme, pro duhet të mendohet edhe për fashat e tjera të biznesit:

“Qeveria mendoj se nuk duhet të bëjë ndarje biznesi. Paketa e qeverisë e shpallur para pak ditësh ishte sociale dhe e shpejtë, për goditjen e parë të madhe, por ndërkohë kemi të gjtihë sipërmarrjen e mesme dhe të madhe, të cilat janë vërtet të rëndëishme dhe po presin nga qeveria, një paketë të veçantë ekonomike, në të cilat hyjnë edhe politikat fiskale.

Në këtë moment, përfaqësuesit e sipërmarrësve shqiptarë po ndërmarrin një iniciativë dhe nesër qeverisë do t’I bëjmë një listë me kërkesa të përbashkëta. Do të bazohet në disa pika dhe duke mbledhur të gjith opinionet e ndryshme të ndërmarrjeve tona. Fokusohet mbi shtyrjen e paketave fiskale dhe shtimin e një kujdesi për këtë kategori.

Duhet të kemi kujdes në taksat vendore. Duhet të shikojmë njëfarë kompensimi në paga të atyre ndërmarrjeve që kanë pasr një rënie të xhiros, por që kanë tentuar të mbajnë edhe punonjësit.”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.