“Argument” – Ekspertët: ‘Shqipëria e varur nga importi. Industria fasone po kalon krizën më të rëndë në 30 vite.”
Në emisionin “Argument” mbrëmjen e sotme ishin të ftuar Arben Malaj, Alban Zusi dhe Gjergji Gjika për të folur mbi dy rreziqet më të mëdha që kanë pasur ndikim global si pandemia e COVID-19 dhe kriza ekonomike që po shkaktohet prej saj.
Të ftuarit kanë diskutuar mbi problemet e shumta, me të cilat po përballen bizneset në këtë periudhë, ndërkohë që edhe shifrat zyrtare tregojnë nivele që po rriten të papunësisë dhe sektorë të tjerë kyç të ekonomisë në përkeqësim.
Alban Zusi është shprehur se janë tre sektorë të paralizuar, të cilët për momentin shkaktojnë papunësi në ekonominë tonë:
“Ne kemi disa probleme, që po shkaktojnë krizë papunësie. I pari është paralizimi i sektorëve si turizmi, transporti dhe ndonjë sektor tjetër i ngjashëm me to. Problemi i dytë janë bizneset eksportuese të cilët ende nuk po arrijnë dot të stabilizohen në tregje ndërkombëtare. Edhe ky sektor krijon papunësi me forcën puëntore të paangazhuar. Gjeneratori I tretë I papunësisë janë bizneset vendase, ku rënia e fuqsië blerëse ka bërë shkurtime të punës dhe sigurisht një dobësim të përgjithshëm të ekonomisë, që sjell edhe humbjen e vendeve të punës.”
Ndërkohë, Gjergji Gjika është shprehur se industria fason po vuan një nga krizat më të thella në këto 30 vite dhe se propozimet e tij 9 vite më parë nuk janë marrë parasysh nga qeveritë. Sipas tij duhet një plan I qartë t’I paraprijë këtyre krizave emrgjenteve:
“Industria fasone është duke kaluar krizën më të madhe e këtyre 30 viteve demokraci .Ne u ndodhëm papritur në disa goditje të pakoordinuara njëra pas tjetrës. Ne ngelëm pa u paguar që nga marsi për shkak të ngecjes së likuiditetit nga kompantië që ne kemi prodhuar. Edhe në momentin që flasim ne ende nuk jemi paguar. Më pas, prerja me thikë e punës në mars solli goditje jo vetëm në veprimtarinë tonë kryesore, por edhe nënsektorët tonë patën goditjet e tyre. Duke filluar nga sektori I modës ku tashmë gjendemi në situatën që ne kemi koleksionin e verës që është ende i pashitur në dyqane. Nëse nuk futet në cikël kjo punë, atëherë është e pamundur që ne të kemi një shpresë optimiste për shtatorin.
Ajo çfarë ne kemi kërkuar ndër vite, një dokument që unë përgatitur dhe ku kam pasur një fjalim përpara kryeminsitrit të kohës 9 vite më parë, kërkesat kanë qenë pikërisht për një ditë të tillë si kjo e sotmja. Unë nuk e parashikoja këtë dit, por rrjedha logjike dhe konkurentët tonë në Evropë e kishin bërë diçka të tillë. Ne në këtë sitautë jemi të varur edhe nga lënda e parë, edhe nga porositë ndërkombëtare, ku ne fare mirë mund të mbulonim një pjesë të mirë të tregut shqiptar dhe mund të konkuronim me prodhimet tona edhe në vendet e rajonit.
Kjo strategji duhet të jetë pjesë e një pakete të një qeverie të ndërgjegjshme nëse do ulet me sektorin të diskutojë për zgjidhjet konkrete dhe larg megalomonisë të personit që na drejton sot.”
Arben Malaj gjithashtu ka theksuar ndikimin në nivel makro që po shkakton kriza e COVID-19 dhe sipas tij në ditët e sotme shtrohen shumë pikëpyetje për të ardhmen, që qeveria ende nuk I ka specifikuar:
“Papunësia është e qartë që do rritet dhe sigurisht sektorët që kanë të bëjnë me eksportin do të jenë edhe më të goditurit. Debati që bëhet është nëse kemi të bëjmë me papunësi ciklike, sepse u përballëm me një krizë dhe duhet të shohim nëse kjo do jetë afatgjatë, që do shkaktojë edhe më shumë kosto. Ndërkohë duhet të mësojmë edhe nga vendet e tjera si Italia, e cila kuptoi se ka edhe mundësi për bizneset e tyre që paisjet mjekësore apo mjetet e tjera të nevojshme mjekësore t’I prodhonin nga industritë kombëtare, ndërkohë që kjo strategji nuk ndodhi nga qeveria jonë. Debati tjetër që bëhet, pasi është ende një kohë e shkurtër, është edhe për mënyrën se si do rikthehet ekonomia shqiptare drejt ringritjes.”
G.K / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.