“Argument” – Fushata apo Covid, Koraqi: “80% e kapaciteteve spitalore të zëna”, mjekët: “Të shtrëngohen kufizimet”
Në emisionin “Argument” mbrëmjen e sotme është diskutuar mbi situatën që ka shkaktuar pandemia e Covid-19 në vendin tonë dhe që prej një viti tashmë vijon të krijojë kufizime për qytetarët, teksa rastet e reja të infeksioneve gjatë muajit shkurt kanë pësuar rritje.
Në njoftimin e tye të fundit Komiteti i Ekspertëve ka zgjatur edhe pëër një periudhë kohe kufizimet që janë në fuqi, me shtetrrethimin që fillon në orën 20:00.
Doktori Andi Koraqi është shprehur për situatën aktuale në vendin tonë se janë futur në lojë edhe katër spitale rajonale ndërkohë që kapaciteti i shtretërve është në masën 80%, por sipas tij ka ulje në indikatorë të tjerë:
“Vendimet e Komiteti merren në bazë të disa indikatorëve. Këto vendime merren cdo dy javë dhe në ditën e sotme janë shfaqur shifrat e indikatorëve të rinj. Është shprehur se pozitiviteti i përditshëm I pacientëve ka një ulje të lehtë me 2%, ku indeksi i transmetimit ka një ulje në më pak se 1%. Masat janë të dy javëve më përpara dhe akoma nuk është vërejtur efekti I tyre dhe prandaj është marrë vendimi që të shihet efekti i tyre përsëri pas një jave.
Më e rëndësishmja është se kapacitetet spitalore nuk janë të ezaruara dhe është vënë në dispozicion edhe Spitali I Elbasanit. Janë futur edhe tre spitale rajonale të tjera në lojë dhe janë tashmë rreth 800 e ca shtretër. Jemi në 80% të kapaciteteve.”
Ndërkohë, Aurora Dollenberg në një lidhje direkte nga Gjermani ka bërë me dije situatën në kontinentin europian, ku sipas saj kufizimet janë shumë të rrepata dhe sërish nuk kanë dhënë efektet e dëshiruara:
“Eksperienca në Europë është se edhe pse jemi në karantinë, numri i të infektuarve nuk ka rënë në mënyrë të dukshme. Ne jemi prej dy muajsh në karantinë të rreptë dhe fakti që në Shqipëri po zgjaten masat unë e përgëzoj dhe si mjeke, mendoj se pubet dhe lokalet do këshilloja të ishin të mbyllura, sepse jemi në 80% të ezaurimit. Me mutacionin e ri nuk pritet të bëhet më mirë edhe në javët që vijojnë. Pranvera është duke ardhur ngadalë dhe nuk mund të themi se do kemi një efekt të dukshëm të diellit në këtë pandemi. Duhen ndjekur planet e qarta qeveritare”
Ndërkohë doktori Erjon Panariti është shprehur se duhen kufizime edhe më të rrepta për muajin në vijim në mënyrë që të bëhet ulja drastike e rasteve:
“Nuk jam pro këtyre masave. Duke parë Europën Perëndimore në kufizime ekstreme, ne nuk i afrohemi fare atyre masave dhe nuk respektohen rregullat bazike. Kjo ulja e orarit supozohet të japë ndonjë efekt, por nuk është parë ndonjë rënie e numrit të rinj të infektuarve.Edhe numri i fataliteteve është i lartë, ndoshta ndikohemi shumë nga ekonomia, por duhen kufizime të rrepta për 1 muaj.Ndoshta kapacitet spitalore nuk janë të ngopura, por nëse konsiderojmë se kemi 1 mijë raste të reja në ditë që i thonë 30 mijë persona të infektuar në muaj dhe rreth 30% e rasteve duan trajtim spitalor, ndërkohë që kapacitetet janë deri në 800 shtertër.”
G.K / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.