“Argument” – Ikonomi: “Dhjetori na gjen me paketën e ilaçeve të rimbursueshme të Covid. Buxheti i 2021 garanton rimëkëmbjen”
E ftuar në “Argument” mbrëmjen e sotme ishte Milva Ikonomi, kryetare Komisionit të Ekonomisë, Tregtisë dhe Financave.
Sipas kryetares së komisionit rimbursimi i medikamenteve, ndryshe nga çfarë ka deklaruar opozita do të fillojë që nga muaji dhjetor, ndërsa ndryshimet në Buxhet parashikohen për vitin e ardhshëm:
“Në shëndetësi ka ndodhur një ndryshim rrënjësor s ai përket buxhetimit. Shëndetësia rritet me 23.3 që i duhen sektorit. Dhe kjo ka të bëjë vetëm me pjesën e barnave 2.1 mld lekë, por rriten pagat e personelit mjekësore me 40% i kushton shteti 4.5 mld lekë Rimbursimi nga 1 janari deri në dhjetor të 2021, të gjitha investimet e nisura në spitalet rajonale dhe spitalet e tjera s ai takon përmirësimit të shërbimit dhe gjithashtu është e rëndësishme pagesa e vaksinës.
Shqipëria është pjesë e instrumentit Covax dhe duhet paguar një pjesë paraprake dhe më pas të paguajë për sasinë e dozave shtesë që duhet të marri.
Kur mendojmë për paketën Covid mendojmë edhe tavanin e sigurimit të detyruar shëndetësor. Paketa e rimbursueshme jepet nga mjeku familjes. Dhjetori do të na gjejë me paketën e rimbursueshme, ndërsa në janar tek buxheti aktual ndodh që MSH e planifikon këtë shpenzim ose rregullon që në dhjetor të këtij viti. Pra qytetarët do të përfitojnë nga muaji tjetër. Roli primar është i mjekut të familjes që të ketë një lloj rregullsie dhe të mos marrim ilaçe të dëmshme për organizmin.
Sa i përket sektorëve kryesorë dhe zërave që pritet të preken në Buxhetin e 2021, znj. Ikonomi është shprehur se iniciativat janë shumë ambicioze, ku ndër më kryesoret qëndron procesi i Rindërtimit:
“Ajo që ndodhi është se në parlament u diskutua nga komisione të ndryshme lidhur me projektbuxhetin. Një nga gjërat është vazhdimi i Rindërtimi dhe një proces që nuk ndalet më, për banesat individuale, shkollat, qendrat shëndetësore, ujësjellësit do të vazhdojnë në nivel bashkie që kanë qenë të dëmtuara.
Nga ana tjetër është edhe paketa e mbështetjes financiare. Ndihma ekonomike dhe pagesat e papunësisë janë dyfishuar edhe në buxhetin e vitit të ardhshëm. Bashkë me këtë përfshihen edhe naftëtarët që arritën një marrëveshje për mbulimin e sigurimeve shoqërore dhe shëndetësore.
Janë planifikuar shpenzime për ndërmarrje në ruajtje. Fermerët mbështeten nga ky projektbuxhet.
Bujqësia nëse ju kujtohen shifrat e eksporteve të këtij viti, sektori që ka dhënë kontributin më të madh në bilancin tregtar është padyshim bujqësia. Kjo falë marrëveshjes për korridoret e gjelbërta por edh për arsye prodhimi, organizimi të produkteve. Hiqet akzica e naftës, duke e ulur çmimin sipas kulturave me 54%.
Do të shkojë rreth 70 mijë numri i tyre. E dyta përfitojnë nga sistemimi i digave, që përmbytja është e dëmshme për produktin bujqësor.
Edhe turizmi mbështet në nivel vendor, si akse turistike të vendit, pro edhe për promovim më të madh të turizmit në botë, si dhe një kontribut për ekonominë e gjelbërt dhe dixhitale. Vëmendje e shtuar për sigurinë.
Edhe për arsimin u rritën pagat gjithashtu. Kanë filluar edhe punimet për Teatrin Kombëtar për të mbështetur Bashkinë e Tiranës në ndërtimin e saj.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.