“Argument” – Kriza e COVID-19, Artan Gjergji: “Situata në tregjet ndërkombëtare është qetësuar. Bursa shqiptare ka vijuar normalisht punën.”
Mbrëmjen e sotme në “Argument” ka qenë i ftuar Drejtori Ekzekutiv i Bursës Shqiptare ALSE, Artan Gjergji për të folur mbi luhatjet e tregjeve të kapitalit dhe funksionimin e bursës shqiptare në periudhën e krizës së shkaktuar nga COVID-19.
“Sa i përket tregjeve ndërkombëtare situata ka filluar të normalizohet për shkak se vetë situata e pandemisë ka hyrë në kurbën rënëse në shtetet kryesore europiane gjë që ka sjellë një qetësim në tregjet e kapitaleve. Edhe pse SHBA-të janë në pikun e kurbës, fakti që janë qetësuar tregjet ndërkombëtare ka bërë efekt edhe atje. Tregjet e SHBA-së kanë një tjetër problem me bursën e naftës.
Sa i përket bursës shqiptare duhet thënë se momentalisht tregton vetëm bono dhe obligacione thesari. Në këtë mënyrë nuk ka një fluks të madh në kushte normale, pasi ne bëjmë transaksione në kushte të kufizuara instrumentash. Mnedonim se do kishte një rënie të transaksioneve, teksa bursa shqiptare filloi të punonte nga distanca falë edhe invesimit që kemi bërë në teknologjinë e informacionit. Nuk pamë një rënie të tillë, por gjithçka vazhdoi normalisht. Pjesën më të madhe të transaksioneve e bëjnë mbi 50% fondet financiare dhe këto institucione nuk e kanë bllokuar aktivitetin e tyre asnjë ditë, prandaj tregtia me to ka vijuar normalisht. Por, edhe nga individët ishte e njëjta sjellje. Nuk kemi pasur rritje drastike të fluksit për shkak të panikut, gjë e cila është një shenjë e mirë.”
Gjithashtu gazetari Civici ka shtruar pyetjen mbi ligjet e fundit të Komisionit të Ekonomisë dhe Financave, të cilët janë votuar në parlament në 30 prill:
“Aktualisht në parlament kaloi një paketë ligjesh që prekin tregun e kapitalit, me sipërmarrjen e investimeve, si dhe kemi një ligj të rëndësishëm me shërbimin e sistemit të pagesave. Janë një paketë ligjesh që synojën të formalizojnë kaudrin ligjor shqiptar me atë europian. Kjo ka ardhur sa për nevojë të zhvillimit të tregut, pr redhe për procesin e integrimit. Ky proces ka dy apo tre vite që ka filluar dhe është i financuar nga Banka Botërore në bashkëpunim me partner të tjerë.
Shqipëria duke qenë se bën pjesë tek tregjet e brishta dhe të reja kishte nevojë për rregullime të tilla. Për rrjedhojë operatorët e treut si bursa, bankat, agjencitë e sigurimit nuk mund të pengonim këtë nisëm dhe kemi ndikuar në mënyrë të dukshme në përmirësimin e ligjit.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.