“Argument”/ Parashikimi i qeverisë për rritje të fortë ekonomike, ekspertët: “Deri në 6% nuk prodhon asnjë vlerë”
Në emisionin “Argument” mbrëmjen e sotme ishin ekspertët e ekonomisë Sherefedin Sehu, Dritan Sahno dhe Mjalind Lazimi për të folur mbi projeksionet e qeverisë për ekonominë në vitin 2021.
Ministrja Denaj dhe kryeminsitri Rama janë shprehur optimistë për rikthimin e Shqipërisë këtë vit me një rritje të fortë ekonomike, gjë e cila sipas ekspertëve në studio është disi cinike.
Eksperti Sherefedin Shehu është shprehur se nuk duhet të jemi optimistë për rritje të fortë ekonomike, ndërkohë që sipas tij deri në nivelin 6% rritje nuk prodhohet efekt real në shoqëri:
“Mendoj që nuk duhet të ketë optimizëm, sepse nuk është përgatitur terreni për të patur zhvillime të tilla që do sjellin rritje të kënaqshme ekonomike. E rëdnësishme është se do kthehemi në vijë pozitive ekonomike, por do të jetë e dobët. Rindërtimi do të japë ndikim në vitin që prodhohet por nuk ka impakt në zhvillimin e mëtejshëm të ekonomisë.
Kam edhe një opsion tjetër se ekonomia shqiptare në 10 vite se ka marrë veten dhe kufiri më i lartë i rritjes ekonomike ka qenë 4%, që në standartin shqiptar nuk prodhon asgjë, ku deri në 6% riciklon veten tënde. Burime kryesor të rritjes në këto nivele ishin projektet energjetike edhe pa ndikuar faktorët tërmet dhe pandemi, ndërsa tani duket e vështrëi ksuh do prodhojë efekt real në ekonomi.”
Eksperti Dritan Shano është shrpehur se Shqipëria duhet të fokusohet për të përdorur burime cilësore:
“Debati për rritjen e cilësisë ekonomike të Shqipërisë është që nga 2005 e mbrapa ku BB tha se Shqipëria i ka ezaruar të gjitha burimet sasiore dhe tani të krijojë burime cilësore. 2008 ishte viti i fundit ku mori impulsin e vet më të madh dhe është e prekshme Rruga e Kombit, që ishte një investim i madh. Unë mendoj që ndikimi negativ është më i madh në ekonomi se 6,7%. Të gjtiha investimet për Rindërtimin duhet të kishin filluar në 2020. Kjo qeveri as në 2020 as në 2021 nuk ka qëllim të ndihmojë biznesin drejtpërdrejt, që ti rivitalizoje, për shkak të masave që po merr dita-ditës, duke kufizuar oraret dhe masa si këto. Asnjë sektor që mund të japë qëndrueshmëri në të ardhmen nuk parashikohet me rritje. Rindërtimi dhe borxhi gjigand që ka marrë qeveria nuk do të funksionojnë.”
Ndërkohë eksperti tjetër Majlind Lazimi u shpreh se Shqipëria ka fillaur recensionin ekonomik që në vitin 2019 dhe se në vitin 2021 ne nuk mund të rikthehmi në ato nivele prodhimi:
“Kur bëhet fjalë për tkurrjen ekonomike kemi filluar që në fund të 2019 edhe roli i tërmetit i vuri vulën e kuqe. Që atëherë ne kishim recension. Kur flasim për rritje ekonomike 2021 flasim në raport me 2020, nëse kemi zhytur kokën në ujë, akoma nuk kemi dalë në sipërfaqe. 2021 nuk do të kapi dot vlerat e 2020.
Po të shikojmë rajonin ku një nga sektorët kryesorë është turizmi, shohim që ekonomitë e vogla kanë një efekt sfungjer për shkak se është ekonomi e vogël dhe e kam më të thjeshtë. 6-mujori i dytë i 2021 mund të ketë një lloj rikthimi, që do të vijë nga zhvilimi i sektorit turistik. Në 2020 kishim 6 milionë turistë më pak dhe ishte rreth 1 mld euro goditje për këtë vit. Investimet e huaja do jenë gjithashtu problem, ndërsa investimet publike duhet të kuptojmë se ndodhemi në vit elektoral dhe varet nga administrata e re që do të krijohet.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.