“Argument” – Përmbytjet në Shqipëri, ministrja dhe ekspertët: “Situata është menaxhuar shkëlqyeshëm”, Rrapaj: “Garanci për fermerët”

Të ftuar në “Argument” mbrëmjen e sotme janë Ministrja e Bujqësisë dhe Zhvillimit Rural, ekspertët Alban Zusi dhe Agim Rrapaj.

Fokusi i diskutimit është mbi situatën e përmbytjeve në Shqipëri dhe kostot që do të sjellë nga mbrapa kjo fatkeqësi natyrore. Më e rëndësishmja në një situatë të tillë është dhe fakti nëse është mirë-menaxhuar nga qeveria dhe strukturat e saj, teksa paneli ka rënë në një dakordësi se ndryshimi dhe reagimi është i qartë në krahasim me vitin 2010.

Ministrja Ikonomi u shpreh se për shkak të investimeve të kryera është bërë e mundur menaxhimi i mirë i situatës:

“Sasia e reshjeve në Shqipëri ishte e konsiderueshme në ditët e para të janarit. Erzeni dhe Ishmi kanë një problematikë por edhe Buna ndodhet në të njëjtën situatë. Bashkërendimi i punës nga të gjitha institucionet është faktori kyç për të përballuar këtë situatë.Janë shpenzuar para në investime për argjinaturën e lumenjve. Kam vizituar argjinaturën ne lumin Shkumbin në zonën e Çermës dhe ishte e ngritur e tillë që nuk lejonte përmbytjen e tokave.Edhe matjet e nivelit të hidrovorreve për të parë si sillej Drini dhe Buna ka bërë të mundur që sistemi i pompave ne hidrovorre të ishte në funksion të plotë.Lajmi i mirë është që në këto ditë nuk kemi asnjë humbje jete, ky është më i rëndësishmi. Në javët në vijim sasia e reshjeve të parashikuara do te zbresë. “

Ndërkohë eksperti Agim Rrapaj ka qenë i të njëjti mendim se menaxhimi i situatës ishte kryer në mënyrë të mirë, por i ka sugjeruar ministres që për fermerët të shtohet edhe një mekanizëm i veçantë për të ndihmuar me kostot pas përmbytjes:

Fillimisht ministren përpara fillimit të emisionit e kam pyetur për hidrovorret dhe investimi në to është një lajm i mirë.Tek argjinaturat nuk kemi pasur dëmtime të mëdha përveç se në Lezhë që pati një ndërhyrje të menjëhershme. Dëmet në blegtori gjithashtu janë më të pakta këtë vit, nga fakti që është punuar mirë dhe në shumë nga fermat, që duke pasur frikë nga përmbytja e 2010, bënë disa përpjekje për t’ju shmangur pasojave. Masat janë më të mira dhe bie dakord me ministren, por doja ti thoja në këtë situatë, se do të kemi disa kosto shtesë.

Jo te gjitha fermat nuk do të bëjnë punime shtesë pas përmbytjes, do ketë disa ndërhyrje në disa nivele dhe do përballohen edhe disa kosto shtesë. Te futet një zë i veçantë edhe te Këshilli Ministrave që karburanti te futet në këtë skemë. Të bëhet një skemë e veçantë për këta që janë te dëmtuar të kenë mundësinë të aplikojnë deri diku. Ti japim një shpresë këtyre njerëzve që pavarësisht vështirësive të kenë diku ku mund të sigurohen.”

Ndërkohë Alban Zusi e ka cilësuar si të shkëlqyeshme menaxhimin e situatës nga qeveria. Sipas tij ka një ndryshim si nata me ditën nga viti 2010 dhe se të gjitha strukturat shtetërore kanë funksionuar në mënyrë të shkëlqyeshme për përballimin e kësaj situate:

“Është e vërtetë se reshjet sidomos të ditës së parë sipas informacioneve kanë qenë më të larta me 50% nga 2010. Sivjet kane qenë 4600 metërkub/orë reshje shiu dhe sot isha në Lezhë dhe Shkodër ku nuk kam parë ujë nëpër fusha. Menaxhimi i kësaj situate ka qenë modeli më i mirë si mund të menaxhohen fatkeqësitë nga pikëpamja publike.Eshtë menaxhuar niveli i shkarkimeve. Kur ka fatkeqësi tokat përmbyten por niveli i mirëqeverisjes varet nga sa shpejt kullojnë tokat dhe të ikë uji brenda 24 orëve është një mrekulli, sepse janë bërë investimet më të rëndëishme me hapjen e kanaleve dhe përveç kësaj u blenë gjithashtu 40 mjete eskavatorë krahëgjate që janë të gjitha në shërbim.Ka pasur angazhim të jashtëzakonshëm dhe nëse bujqësia shqiptare do menaxhohet si kjo situatë mund të fillojmë një epokë të re nga pikëpamja publike. Të kullojnë tokat për 24 orë, kur në 2010 kanë ndejtur 4 javë është ndryshim nata me ditën.”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.