“Argument” / ‘Pushtimi’ i Kongresit, Nesho: “Amerika tregoi se individi nuk qëndron përpara institucioneve demokratike”
I ftuar ne Argument ishte mbrëmjen e sotme me gazetarin Enio Civici ish-ambasadori i Shqipërisë në Kombet e Bashkuara Agim Nesho.
Diplomati edhe eksperti i marrëdhënieve me jashtë ka shprehur komentin e tij për dy ngjarjet kryesore të ditëve të fundit. E para është ajo që tronditi botën të shteti që mbahet si lideri i demokracisë në botë, Amerika, ku mijëra mbështetës të presidentit Trump hynë forcërisht në zyrat e Kongresit përpara se të ndodhte certifikimi i Joe Biden si president.
Z.Nesho padyshim i ka cilësuar si tragjike ngjarjet, por theksoi se themelet e forta të institucioneve demokratike në Amerikë nuk lejuan që situata të degradonte më tej. Sipas tij SHBA-të vazhdojnë të mbeten fanari ndriçues i demokracive nëpër botë:
“Ishin ngjarje që përfunduan në mënyre tragjike dhe të një presidencë që vë interesat e saj përpara Amerikës, por më kanë ngjallur shpresë se pashë reagimin e kongresit dhe aktorëve të tjerë, të një shoqërie demokratike funksionale që nuk lejojnë të ndryshojnë gjërat kaq shpejt. Amerika sot edhe në vazhdimësi do të jetë lideri i rendit liberal botëror. Amerikën e kemi parë të reflektojë ndaj te tjerëve, por edhe Amerika është shtet që duhet të reflektojë vetë dhe por edhe njëherë tregoi se kjo demokraci i ka rrënjët e thella se ka institucione te forta që e kanë bërë funksionimin e Republikës të pagabueshëm.”
Sipas z.Nesho ardhja e Biden në krye të Presidencës do të jetë një rikthim edhe për vetë demokracinë amerikane:
“Do jetë një rikthim i fuqishëm, sepse demokracia ka valët e saj dhe tregoi një forcë që dallohet në dy drejtime, e para per te rikorigjuar politikat e saj. Pra ka aftësinë edhe kur bën dhe vepron në politika që nuk prodhojnë rezultate ta rikalibrojë veten. Së dyti tregoi që është një mekanizëm perfekt i Republikës, ku edhe njeriu me i fuqishëm në botë përpara kushtetutës dhe shtetit është askushi.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.