“Argument” – Rikthimi i Buxhetit nga Presidenti, Ikonomi: “Nuk e ka kompetencë. Vëmendje historike Shëndetësisë dhe Rindërtimit”
E ftuar në “Argument” me gazetarin Enio Civici ka qenë kryetarja e Komisionit të Ekonomisë dhe Financave, Milva Ikonomi për të diskutuar rreth rikthimit të ligjit për Buxhetin e 2021 nga Presidenti i Republikës, Ilir Meta.
Tashmë ligji për Buxhetin do rishqyrtohet në Komision dhe Presidenti ka shtjelluar arsye të gjata pse duhet rishikuar, duke shkaktuar kështu një përplasje maxhorancë-presidencë.
Znj.Ikonomi shprehet se projektbuxheti i vitit 2021 është hartuar me një kujdes shumë të veçantë për të marrë parasysh të gjitha specifikat dhe sfidat me të cilat përballet ekonomia. Më tej kryetarja e komisioni është shprehur se qeveria ka një ekskluzivitet të veçantë për hartimin e këtij ligji themeltar që i jepet nga Gjykata Kushtetuese, ndërsa Kreu i Shtetit duhet të merret vetëm me kushtetueshmërinë e tij.
“Natyrisht ne do bëjmë procedurën e dëgjimit dhe ajo që mendoj fort është se ky ishte një Buxhet që u hartua me shumë kujdes nisur nga kushtet e vështira ekonomike që po kalon vendi, rajoni, Europa dhe më gjerë. Së dyti ky projektbuxhet mbajti në vëmendje të gjithë zhvillimin e politikave që i shërbejnë vendit për të përballuar situatën dhe për tu rimëkëmbur nga tërmeti.
Tronditja e pandemisë krijoi probleme edhe me komunikimet rajonale, kontinentale për shumë produkte. Ajo që raportohet nuk është një krizë prodhimi, por krizë konsumi që e shprehin edhe mekanizmat ndërkombëtare si FMN dhe BB.
Në plan të parë të hartimit të projektbuxhetit ka qenë qëndrueshmëria financiare e vendit, pasi parashikimi makroekonomik që ne bëjmë shpreh qartë risqet dhe projektimet.
U morën në konsideratë si për shembull mbështetja për politikën e Covid, në disa drejtime kryesore si barnat e rimbursueshme, investime për gjithë shërbimet me jetëve të diagnostikimit, mbështetja për laboratorët dhe e katërta, por jo më pak e rëndësishmja pagat për punonjësit e shëndetësisë, si një arritje e madhe historike, ku buxheti ishte 23% më i lartë në Shëndetësi.
E dyta, projektbuxheti mbajti vëmendje të veçantë gupet vulnerabël. Dyfish pagese për papunësinë dhe ndihmën ekonomike dhe e vazhdojmë këtë në 2021.
Bëmë gjithashtu të mundur që strategjitë që kanë të bëjnë me orientimet kryesoret të mos ndërpriten si Reforma në Drejtësi. E katërta nga Rindërtimi nuk u hoq asnjë fond që është një çështje kaq jetike.
Presidenti e kthen dekretin, por Gjykata Kushtetuese në vitin 2013 ka rënë dakord për t’i dhënë një kompetencë ekzekutive dhe ekskluzive qeverisë në kuadër të stabilitetit makrofinanciar për hartimin e dokumentit më të rëndësishëm si Buxheti. Në atë vendim të Gjykatës përcaktohen qartë edhe rregullat e Kryetarit të Shtetit dhe qeverisë. Në bazë të këtij dokumenti do punojë dhe Komisioni. ”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.