“Argument” –Situata ekonomike e Shqipërisë në 2021, Malaj: “Të vihet nën kontroll pandemia. Korrupsioni po dëmton shpenzimin e parasë publike”
Në “Argument” mbrëmjen e sotme ishte i ftuar Arben Malaj, ish-ministër i Financave për të diskutuar mbi situatën ekonomike që e pret Shqipërinë teksa vijmë në fillimin e muajit mars dhe të dhënat fiskale janë bërë të ditura nga Ministria e Financave për muajin e janarit 2021.
“Përballja me pandeminë është sfida kryesore dhe manaxhimi i pjesës shëndetësore është prioritet. Gjërat nuk kanë qenë aty ku dëshironim dhe ka një rritje të numrit të viktimave. Kjo është një situatë që duhet vënë në kontroll sa më parë, sepse do të përcaktojë parashikimet e ardhshme ekonomike dhe sociale.
Është një vit elektoral ku nga njëra anë një rol të madh do të luajë fakti se si do të ecë ritmi i të gjithë investimeve publike si dhe fondet në dispozicion dhe vetëm në tre muajt e fundit të vitit mund të amortizohet goditja e jashtme e pandemisë, sepse edhe vendet e BE-së shprehen se kanë një vështirësi për të arritur imunitetin e tufës përapra fundit të verës së këtij viti.”
Më tej pyetur nga gazetari Civici mbi të dhënat nga Ministria e Financave, ku boorxhi publik ka arritur në 77.8%, herën e fundit të rishikuar në dhjetor 2020:
“Po të kemi parasysh situatën e trashëguar ku ishte viti 2013 patëm një rritje të borxhit, qeveria në atë kohë mori një vendim të paarsyeshëm, se Shqipëria nuk duhej të kishte një nivel borxhi kaq të lartë pa ulur më parë deficitin tregtar. Ndërsa me situatën e pandemisë u ra dakord se duhej të rritej borxhi pasi duheshin para dhe shpenzime për sistemin shëndetësor, e dyta ishte shkalla e mbështetjes për kohezionin social dhe e treat ishte mbështetja e biznesit, sepse do të ndihmoheshin objektivat e tjerë. Në këtë mënyrë duhet të shohim si do të mirëqeverisen këto para dhe a do të shkojnë paratë publike në vendin e duhur në mënyrë që të mos bëhen pjesë e korrupsionit. Kjo do jetë edhe pika më e rëndësishme.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.