Ari rritet me mbi 1% / Merr nxitje nga rënia e dollarit, interesat e borxhit dhe paketa e Biden

Ari është rritur me mbi 1% në sesionin e fundit tregtar, nxitur nga rënia e dollarit dhe interesave të borxhit, ndërkohë që perspektiva e dobët mbi punësimin në Shtetet e Bashkuara, zbehu perspektivën  e rimëkëmbjes ekonomike, çka rriti kërkesën për aktive të sigurta. Norma spot u rrit me 1.2%  në 1,727.86 dollarë për onz.

Indeksi i dollarit u tërhoq nga nivelin më i lartë në 5 muaj që preki ditën e Premte, duke e bërë arin më pak të shtrenjtë për mbajtësit e valutave të tjera.  Diçka tjetër që rriti tërheqjen e metalit të çmuar si aktive e sigurt ishte rritja e numrit të amerikanëve që aplikojnë për përfitime të papunësisë.

Presidenti Joe Biden lajmëroi planin e shumëpritur të investimeve prej 2 trilionë dollarë këtë Javë, çka rriti gjithashtu metalin e çmuar, prej pritshmërive për inflacion të gjeneruar nga stimujt ekonomikë.  Në lidhje me kërkesën fizike, importet e arit në Indi gjatë muajit Mars, u rritën në një nivel rekord prej 160 ton, sipas një burimi të qeverisë.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.