Ari rritet në tregtinë e së Enjtes / Merr mbështetje nga rënia e dollarit dhe interesave të borxhit
Çmimi i arit është rritur në sesionin e së Enjtes, ndërkohë që rënia e dollarit amerikan dhe interesave të borxhit rriti kërkesën për metalin e çmuar. Norma spot e arit u rrit me 0.4% në 1,794.3 dollarë për onz.
Analistët thonë se çmimet pritet të testojnë së shpejti nivelin e 1,800 dollarëve. Interesat 10-vjeçarë të titujve të Thesarit në SHBA, ranë poshtë 1.6% dhe qëndronin në nivelin më të ulët javor, duke ulur koston oportune të mbajtjes së arit. Dollari ra me 0.1%, duke u larguar nga niveli më i lartë në 2 javë që preku ditën e Mërkurë. Investitorët po presin publikimin e raportit mujor mbi punësimin në Shtetet e Bashkuara ditën e Premte, që pritet të tregojë një rritje me 978,000 vende pune për Prillin. Analistët thonë se ekonomia e SHBA mund të jetë duke u rimëkëmbur më shpejtë se ç’prisnin politikëbrësit e Rezervës Federale dhe papunësia mund të jetë gjithashtu në rënie më të shpejtë. Megjithatë, banka qendrore ka përsëritur komentet për të mbajtur politikat monetare lehtësuese për disa kohë. Interesat e ulët ulin koston oportune të mbajtjes së arit, që nuk ka një normë të interesit.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.