Ari tërhiqet në nisje të javës. Tregu i fortë i punësimit në SHBA nxit yield-et dhe aksionet botërore
Çmimi i arit është tërhequr në nisje të Javës, ndërkohë që interesat e borxhit u rritën dhe aksionet botërore morën vrull, pasi të dhënat pozitive mbi punësimin në Shtetet e Bashkuara ritën optimizmin mbi rimëkëmbjen ekonomike. Norma spot e arrit ra me 0.3% në 1,723.16 dollarë për onz. Analistët thonë se të dhënat pozitive mbi punësimin kanë fuqizuar dollarin dhe yieldet, duke rënduar tek metali i çmuar. Rritja ekonomike botërore po merr brull, por është e pabarabartë. Shtetet e Bashkuara ndodhen në performancë të fortë, ndërkohë që disa pjesë të BE po përballen me valën e tretë të virusit. Ekonomia e Shteteve të bashkuara krijoi vende pune me normën më të madhe në 7 muaj gjatë Marsit, ndërkohë që më shumë amerikanë janë vaksinuar dhe qeveria shtoi ndihmat e pandemisë.
Kjo ndikoi tek aksione botërore, duke i rritur në nivelin më të lartë në 1 muaj gjatë nisjes së Javës, ndërkohë që yieldet e thesarit në SHBA, arritën nivelin më të lartë në 14 muaj. Presidenti Joe Biden lajmëroi lavën e kaluar planin e shumëpritur të investimeve prej 2 trilionë dollarë, duke rritur pritshmëritë për inflacion. Disa investitorë e shohin arin si mbrojtës nga inflacioni, por yieldet më të larta kanë rritur koston oportune të mbajtjes së metalit të çmuar.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.