Ari tregtohet i qëndrueshëm / Dollari i fortë pengon rritjen nga vala e tretë e pandemisë në Evropë
Çmimi i arit ka mbetur i qëndrueshëm, ndërkohë që dollari i fortë ka penguar rritjen që do të vinte nga përkeqësimi i pandemisë në Evropë.
Norma spot e arit mbeti e pandryshuar në 1,733.48 dollarë për onz. Analistët thonë se ka 2 faktorë të kundërt që po ndikojnë tek metali i çmuar; ata që shqetësohen për masat e reja të karantinës në Europë, dhe ata që janë pozitiv mbi perspektivën ekonomike. Ari shihet gjithashtu si një mbrojtës ndaj inflacionit, që pritet të vijë nga stimujt qeveritarë për të mbështetur ekonominë. Rezerva Federale në SHBA bëri të ditur se sistemi do nisë rritjen e interesave në varësi të zhvillimeve ekonomike. Indeksi i dollarit është rritur në nivelin më të lartë në 4 muaj, duke e bërë arin më të shtrenjtë për mbajtësit e valutave të tjera. Dollari po konsiderohet si një aktivi i sigurtë rival, për shkak të shqetësimeve mbi masat e reja të karantinës në Evropë dhe mundësisë së rritjes së taksave në Shtetet e Bashkuara.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.