“Arkitekti” i strategjisë anti-karantinim të Suedisë pretendon se imuniteti ndaj virusit atje është 30%, por kjo nuk mbështetet në fakte
Arkitekti u strategjisë së përballimit të koronavirusit pa karantinim të Suedisë pretendoi se gati një e treta e popullsisë së vendit tani mund të ishte imune ndaj COVID-19 – një teori e cila nuk mbështetet nga ndonjë provë shkencore.
Anders Tegnell, shefi epidemiolog në Agjencinë e Shëndetit Publik të Suedisë, i tha The Observer se nivelet e imunitetit mund të ishin rritur mbi 30% në disa pjesë të vendit.
Ai tha se rënia e fundit në rastet e reja infektive të Suedisë mund të nënkuptojë se ka një imunitet në popullatën e Suedisë prej 20%, 30%. Tegnell tha se faktorët sezonal, si shkollat dhe zyrat që mbyllen për pushimet verore, nuk ishin të mjaftueshme për të shpjeguar rënien e rasteve.
Personat që kapin virusin zakonisht kanë antitrupa, të cilat mund të maten me teste. Por nuk është e qartë nëse të kesh antitrupa ofron imunitet total – apo edhe të pjesshëm – ndaj COVID-19, dhe sa kohë efekti mund të zgjasë.
Studimet për matjen e antitrupave në Suedi nuk kanë treguar nivele gati aq të larta sa 20% ose 30% e cituar nga Tegnell. Në qershor, të dhënat nga Agjensia e Shëndetit Publik treguan antitrupa në rreth 10% të njerëzve në Stokholm, i cili ishte rajoni i prekur më keq.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.