Arktiku po shkrin me shpejtësi rekord! Akulli prek nivelin e dytë më të ulët në 40 vite të dhëna
Ngrohja e Arktikut ka shkrirë akujt që mbulojnë oqeanin këtë vit në nivelin më të ulët në 4 dekada, ç’ka përbën një tejtër shenjë se ndryshimi klimatik po transformon me shpejtësi rajonin. Satelitët kanë regjistruar këtë vit një minimum të akujve në det në 3.74 milionë kilometra katrorë më 15 Shtator, që përbën herët e dytë që akulli zbret poshtë 4 milionë kilometra katrorë në 40 vite të mbajtjtes së regjistrimeve, sipas Qendrës Kombëtare të Akullit dhe Borës(NSIDC).
Rekordi i ulët prej 3.41 milionë kilometra katrorë, u arrit në vitin 2012, pasi një ciklon në fund të sezonit theu pjesën e mbetur të akullit, Rënia e këtij viti ishte tejet e shpejtë mes 31 Gushtit dhe 5 Shtatort, për shkak të një vale të ajrit të ngrohtë nga Siberia. Norma e shkrirjes së akujve gjatë këtyre 6 ditëve ishte më e shpejta se në çdo vit tjetër. Një tjetër ekip i shkencëtarëve zbuloi në Korrik se vala e të nxehtit e Siberisë do të ishte e pamundur të shkaktohej pa ndikimin njerëzor tek ndryshimi klimatik.
Pasi shkrin akulli në Arktik, mbeten pjesë të mëdha të errëta në oqean. Këto pjesë të errëta në det e absorbojnë radiacionin diellor, në vend që ta reflektojnë jashtë atmosferës. Ky proces e amplifikon ngrohjen dhe shpjegon se pse temperaturat në Arktik janë rritur më shumë se 2 herë më shpejtë krahaësuar me pjesën tjetër të botës në 30 vitet e fundit. Shkrirja e akujve në Arktik kërcënon gjithashtu jetën e kafshëve, nga arinjtë polar dhe fokat e deri tek planktoni dhe algat, sipas Tom Foreman, ekspert i jetës së egër në rajon. Kjo valë e të nxehtit po gërryen gjithashtu akullin që mbulon toka në Kanada dhe Groenland. Ndërsa këto mbulesa të akullit shkrijnë drejt oqeanit, niveli i detit rritet në të gjithë botën.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.