Arrestimi i 3 punonjësve të Hetimit Tatimor, reagon Drejtoria e Përgjithshme: Largim nga detyra. Bizneset të denoncojnë çdo akt!
Drejtoria e Përgjithshme e Tatimeve njofton largimin e menjëhershëm nga detyra të 3 punonjësve, inspektorë të sektorit të Zbatimit pranë Drejtorisë së Hetimit Tatimor Rajoni Qendror Tiranë, të cilët u ndaluan pas finalizimit të operacionit të koduar me emrin “Pritja”, me akuzën se kanë konsumuar veprën penale të “Shpërdorimit të detyrës” dhe “Korrupsionit pasiv të personave, që ushtrojnë funksione publike”.
“Drejtoria e Përgjithshme e Tatimeve i bën thirrje çdo punonjësi të administratës tatimore të zbatojë me rigorozitet vetëm ligjin, në respekt të punës dhe institucionit , gjithashtu inkurajon bizneset dhe qytetarëve, për të denoncuar aktet korruptive, sjelljen jo etike dhe çdo akt të paligjshëm, gjatë ushtrimit të detyrës së punonjësve të Administratës Tatimore” njoftojnë Tatimet.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.