Arrihet marrëveshja e klimës së OKB – COP26 përfundon me sukses, pas një “drame” në fund për qymyrin

Bisedimet për klimën tek Organizata e Kombeve të Bashkuara përfunduan gjatë fundajvës me një marrëveshje për të parën herë që shënjestron lëndët djegëse fosile, si nxitëset kryesore të ngrohjes globale, pavarësisht se vendet e varura nga qymyri dhanë kundërshtime në minutë të fundit.  Ndërkohë që marrëveshja fitoi pëlqimin për mbajtjten gjallë të shpresës për të limituar ngrohjen globale në 1.5 gradë celius, shumë prej thuajse 200 vendeve të pranishme do kërkonin të arrinin më shumë.

“Nëse është një negociatë e mirë, të gjitha palët janë të parehatshme. Dhe kjo ka qenë një negociatë e mirë”- tha John Kerry, i dërguari për klimën nga SHBA, në takimin e fundit për të miratuar Paktin e Klimës në Glasgow.  Konferenca 2-javore solli një fitore të madhe në caktimin e rregullave në lidhje me tregun e karbonit, pavarësisht se nuk bëri shumë për të zbutur shqetësimet e vendeve të cënuara, mbi financimet e premtuara prej kohësh për klimën nga vendet e pasura.  Presidenti i COP26 në Britani, Alok Sharma, ishte dukshëm i emocionuar përpara se të sinjalizonte se nuk kishte veto ndaj paktit, pas zgjatjes së bisedimeve.

Në minutën e fundit kishte pak konflikte ndërkohë që India, mbështetur nga kina dhe vende të tjera të varura nga qymyri, refuzuan një klauzolë që bënte thirrje për “heqjen graduale” të energjisë përmes qymyrit. Pas përplasjeve mes të dërguarve nga Kina, India, SHBA dhe BE, klauzola u amendua me të shpejtë, duke i bërë thirrje vendeve që të “reduktojnë gradualisht” përdorimin e qymyrit.

Ministri i mjedisit dhe klimës në Indi, Bhupender Yadav, tha se rishikimi reflekton “rrethanat kombëtare të vendeve në zhvillim”. “Ne po bëhemi zëri i vendeve në zhvillim”- tha ai për paktin që përjashtonte qymyrin, por që heshte për naftën dhe gazin. “Ne kemi bërë përpjekje për të arritur një konsensus që është i arsyeshëm për vendet në zhvillim dhe për drejtësinë në lidhje me klimën”- tha ai, duke përmendur faktun se vendet e pasura kanë emetuar historikisht pjesën më të madhe të gazrave zerë.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.