Arrihet marrëveshja – Polonia dhe Danimarka do të ndërtojnë gazsjellësin nën detin Baltik: “Zvogëlohet ndikimi rus”
Një projekt i madh për transportimin e gazit natyror nga Deti i Veriut në Danimarkë dhe Poloni ka ndërmarrë një hap të madh përpara.
Firma italiane Saipem nënshkroi një marrëveshje me vlerë 280 milion € të hënën për të ndërtuar një tubacion gazi nën Detin Baltik për të lidhur të dy vendet.
Polonia importon pjesën më të madhe të gazit të saj natyror nga Rusia dhe tubacioni i ri është përshëndetur në Varshavë si një mënyrë për të zvogëluar varësinë nga Moska.
BE ka siguruar 215 milion € në financim për Projektin e Tubave Balltik, i cili gjithashtu do t’i lejojë Polonisë të furnizojë me gaz në tregun danez.
Presidenti i Polonisë, Andrzej Duda, ka thënë se tubacioni është planifikuar të nisë në 1 tetor 2022.
“Kjo është me të vërtetë diçkae mirë për Poloninë, dhe jo vetëm në të ardhmen e afërt, por besoj thellësisht për dekada,” tha Duda në një konferencë për shtyp të hënën.
“Nëse po flasim për diversifikimin e plotë të furnizimeve me gaz në Poloni, nëse po flasim për pavarësi të plotë të Polonisë si marrës nga Rusia, ky është momenti historik në rrugën drejt kësaj mosvarësie,” shtoi ai.
Burimi: Euronews
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.