Arrihet marrëveshja SHBA-Kinë – Gati faza e parë, SHBA detyron Kinën t`i blejë 200 miliardë produkte!
Shtetet e Bashkuara të Amerikës dhe Kina ç`tensionuan disi marrëdhëniet mes tyre ditën e Premte, duke njoftuar marrëveshjen e fazës së parë e që përfshin uljen e disa tarifave amerikane në shkëmbim të asaj që zyrtarët amerikanë e konsiderojnë si një kapërcim i madh në blerjen e produkteve amerikane nga Kina, kryesisht produkte agro-bujqësore.
Pekini është dakordësuar kështu të importojë të paktën 200 miliardë dollarë produkte shtesë amerikane si dhe shërbime përgjatë dy viteve të ardhshme, përveç sasisë që imprtoi në vitin 2017.
Në rast se këto blerje do të kryheshin, atëherë kemi të bëjmë me një kapërcim thelbësor në eksportet amerikane në Kinë.
Kina bleu 130 miliardë dollarë produkte amerikane në vitin 2017, përpara se të fillonte lufta tregtare, si dhe $56 miliardë shërbime, tregojën të dhënat e byrosë së analizave ekonomike.
Në këmbim, Shtetet e Bashkuara të Amerikës do të pezullojnë tarifat ndaj produkteve kineze, që pritet të hyjnë në fuqi këtë të Dielë si dhe të ulin tarifa të tjera. Marrëveshja prej 86 faqesh do të firmoset javën e parë të Janarit në Washington nga zyrtarët e të dy vendeve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.